Fibela

Fibelas de bronce atopadas no sur de Suecia.

Unha fibela é unha peza empregada para suxeitar ou abrochar dúas cousas entre si, como o final dun cinto ou dunha correa. Antes da invención da cremalleira, usábase para abrochar as botas e outro tipos de roupas.

Historia

Daga coa súa funda e fibela celta.

As fibelas foron usadas na Grecia antiga, así como na antiga Roma, particularmente en equipamentos e vestimentas militares, en cintos de espadas, coirazas e o resto de equipamento que utilizaba correas, así como para fixar a sela de montar dos cabalos. As fibelas tamén foron moi usadas entre os celtas.

Na antigüidade, as fibelas facíanse en metal, óso e marfil. Debido á súa sinxeleza e durabilidade, o seu uso fíxose popular para os arneses e bordados, especialmente para botas e zapatos.

Uso contemporáneo

Hoxe en día, as fibelas adoitan utilizarse para abrochar os cintos, aínda que tamén se utiliza nalgún tipo de calzado, particularmente nas botas. Tamén se usan as fibelas nas mochilas, reloxos e xoiería do pulso ou como motivo ornamental en todo tipo de obxectos. As fibelas tamén son moi visibles na moda gótica moderna.

Véxase tamén

Outros artigos

• Fíbula