Federación Agropecuaria del Norte Galaico

A Federación Agropecuaria del Norte Galaico foi unha asociación gandeira de varias parroquias dos concellos de Riotorto, A Pontenova, A Pastoriza e Meira constituída en 1909.

Historia e características

Venancio Gavín Gallo foi un dos seus promotores e estivo á fronte das súas oficinas en Lugo dende abril de 1910. A Federación levou a cabo estudos de cultivo con sementes que traían do estranxeiro, tiña campos de experimentación e proxectaba a introdución de nova maquinaria e a fabricación industrial de queixos en réxime cooperativo. En 1911 celebrou as primeiras paradas de sementais e os primeiros concursos de gando; iniciativas que lle permitiron realizar exportacións de reses a Barcelona.

Véxase tamén

Bibliografía

• Durán, J. A. (1977). Siglo XXI, ed. Agrarismo y movilización campesina en el país gallego (1875-1912). Madrid. ISBN 84-323-0244-9.