Faces from the Masquerade é o terceiro álbum ao vivo da banda estadounidense de indie rockCar Seat Headrest, publicado o 8 de decembro de 2023 a través do selo Matador Records. O disco gravouse durante os tres concertos da banda en Brooklyn Steel entre os días 28 e 30 de marzo de 2022.[1][2] O título vén do feito de que se pediu aos espectadores que usasen máscaras nos concertos debido á pandemia de COVID-19, e de que o cantante principal da banda, Will Toledo, realizou os concertos cunha máscara de gas e un traxe NBQ personalizados.[3][4]Stereogum sinalou que moitas das cancións do álbum foron "reimaxinadas e reexaminadas" a partir das versións de estudo.[5]