Félix Édouard Guérin-Méneville

Félix Édouard Guérin-Méneville
	;
Biografía
Nacemento	12 de outubro de 1799 ; Toulon, Francia
Morte	26 de xaneiro de 1874 (74 anos); París, Francia
President of the Société protectrice des animaux (S.P.A.) (en)
	1867 – 1867 ; ← Louis-Auguste Bourguin (en) – Pierre Baltazar (en) →
President of the Société entomologique de France (en)
	1846 – 1846
Datos persoais
País de nacionalidade	Francia
Actividade
Campo de traballo	Entomoloxía
Ocupación	zoólogo , ictiólogo , ornitólogo , lepidopterólogo , entomólogo , carcinólogo , Enciclopedista
Membro de	Accademia delle Scienze di Torino (1851–); Société des sciences naturelles de la Charente-Maritime (en) ; La Rochelle Agricultural Society (en) ; Académie des belles-lettres, sciences et arts de La Rochelle (en) ; Academia de Agricultura da França (pt)
Lingua	Lingua francesa
Obra
Abreviatura do autor en zooloxía	Guérin-Méneville
	Premios Cabaleiro da Lexión de Honra ;

Félix Édouard Guérin-Méneville, tamén coñecido como Félix Édouard Guérin, nado o 12 de outubro de 1799 en Toulon, e finado o 26 de xaneiro de 1874 en París, foi un entomólogo francés.^[1]

Traxectoria[editar | editar a fonte]

Guérin-Méneville cambiou o seu apellido, anteriormene Guérin, en 1836. Foi o autor da obra ilustrada Iconographie du Règne Animal de G. Cuvier, un complemento ao traballo dos zoólogos Georges Cuvier e Pierre André Latreille, Le Règne Animal, na que ilustrou só unha selección dos animais descritos.^[1] Cuvier quedou moi contento con este traballo, do que dixo que sería moi útil para os lectores, e que as ilustracións eran «tan precisas como elegantes».^[2]

Desde 1822 a 1825 foi un dos científicos que participaron na expedición de Louis Isidore Duperrey a bordo de La Coquille. Durante esta viaxe ao redor do mundo, describiu e debuxou numerosos insectos.

De 1833 a 1838 publicou, con Achille Rémy Percheron, Genera des Insectes, incompleto, e desde 1833 a 1840, con Gaspard Joseph Martin Saint-Ange, o Traité élémentaire d'histoire naturelle... (2 volumes).

Foi o introdutor dos vermes da seda en Francia, para que puideran criarse para a produción de seda.^[1]

Guérin-Méneville fundou varias revistas científicas:

Magasin de zoologie, d'anatomie comparée et de paléontologie (1830),
Revue zoologique par la Société cuviérienne (1838),
Revue et Magasin de zoologie pure et appliquée (1849) e
Revue de sériciculture (1863) ).

Foi o editor do Dictionnaire Pittoresque d'Histoire Naturelle, publicado en París entre 1836 e 1839.

Guérin-Méneville foi elixido presidente da Société Entomologique de France o ano 1846.

Ademais da citada, foi membro das sociedades cieníficas Académie d'agriculture de France, Société des sciences naturelles de la Charente-Maritime, Société d'agriculture de La Rochelle, Académie des belles-lettres, sciences et arts de La Rochelle e da Academia das Ciencias de Turín.

Algunhas obras[editar | editar a fonte]

Guérin-Méneville, Felix-Edouard. Iconographie du règne animal de G. Cuvier: ou, représentation d'aprés nature de l'une des espèces les plus remarquables, et souvent non encore figurées, de chaque genre d'amimaux. Avec un texte descriptif mis au courant de la science. París: J. B. Baillière, 1829–1844.
Guérin-Méneville, Felix-Edouard (editor). Dictionnaire Pittoresque d’Histoire Naturelle, París, 1836–1839.

(Ver lista completa en Félix Édouard Guérin-Méneville. Publications)

Eponimia[editar | editar a fonte]

A Guérin-Méneville dedicáronselle os nomes científicos de ducias de xéneros e especies de insectos e outros organismos, incluída polo menos unha serpente.

Abreviatura[editar | editar a fonte]

A abreviatura Guérin-Méneville emprégase para recoñecer a Félix Édouard Guérin-Méneville como autoridade na descrición e taxonomía en zooloxía.

Notas[editar | editar a fonte]

↑ ^1,0 ^1,1 ^1,2 Hans G. Hansson. "Félix Édouard Guérin". Biographical Etymology of Marine Organism Names. Göteborgs Universitet. Arquivado dende o orixinal o 27 de outubro de 2010. Consultado o 28 de xullo de 2021.
↑ "Sale 2361 - Lot 309". Christie's The Art People. Consultado o 29 de xullo de 2021.

Véxase tamén[editar | editar a fonte]

Bibliografía[editar | editar a fonte]

Jean Gouillard (2004): Histoire des entomologistes français, 1750-1950. Édition entièrement revue et augmentée. Boubée, París.
Jean Lhoste (1987): Les Entomologistes français. 1750-1950. INRA Éditions, Versalles.

[Hansson-1] 1,0 ^1,1 ^1,2 Hans G. Hansson. "Félix Édouard Guérin". Biographical Etymology of Marine Organism Names. Göteborgs Universitet. Arquivado dende o orixinal o 27 de outubro de 2010. Consultado o 28 de xullo de 2021.

[2] "Sale 2361 - Lot 309". Christie's The Art People. Consultado o 29 de xullo de 2021.

[1]

[2]