Evelyn Beatrice Hall

Na Galipedia, a Wikipedia en galego.
Evelyn Beatrice Hall
Alcume Stephen G. Tallentyre
Nacemento 28 de setembro de 1868
  Shooter's Hill
Falecemento 13 de abril de 1956
  Wadhurst
Nacionalidade Reino Unido
Ocupación escritora e biógrafa
editar datos en Wikidata ]

Evelyn Beatrice Hall, nada en Shooter's Hill (Kent) o 28 de setembro de 1868 e finada en Wadhurst (East Sussex) o 13 de abril de 1956, foi unha escritora británica, coñecida tamén co pseudónimo de Stephen G. Tallentyre.

Traxectoria[editar | editar a fonte]

Foi a segunda dos catro fillos do Reverendo William John Hall (1830–1910), cóengo menor da Catedral de San Paulo, e Isabella Frances (nada co apelido de Cooper).[1] A súa irmá maior, Ethel Frances Hall (1865–1943), casou co escritor Hugh Stowell Scott (coñecido co pseudónimo de Henry Seton Merriman) en 1889.[2] Evelyn Hall converteuse nunha importante influencia do seu cuñado, con quen coescribiu dous libros de relatos, From Wisdom Court (1893) e The Money-Spinner (1896).[3] Tras a súa morte en 1903, Scott deixoulle 5000 libras a Hall en agradecemento polo seu apoio e consellos literarios.[4]

Certificado de defunción de Evelyn Beatrice Hall.

Hall acadou sona pola súa biografía The Life of Voltaire (1903) e por The Friends of Voltaire (1906). Nesta última obra escribiu a frase "I disapprove of what you say, but I will defend to the death your right to say it" ("Estou en desacordo co que dis, pero defenderei até a morte o teu dereito a dicilo")[5], que polo xeral se atribúe de forma errónea ao propio Voltaire.[6] A cita de Hall adoita usarse para describir a liberdade de expresión.

Obra[editar | editar a fonte]

Notas[editar | editar a fonte]

  1. Venn, John e Venn, J. A. (eds.) (2011): Alumni Cantabrigienses: A Biographical List of All Known Students, Graduates and Holders of Office at the University of Cambridge, from the Earliest Times to 1900, Volume 2. Nova York: Cambridge University Press. Páx 205 (en inglés).
  2. Ethel Frances Hall, na web Cobbold Family History Trust [Ligazón morta].
  3. Seccombe, Thomas e Mills, Rebecca: "Scott, Hugh Stowell (1862–1903)". Oxford Dictionary of National Biography. Oxford University Press.
  4. The Advertiser, (Adelaide, SA) March 09, 1904
  5. The Friends of Voltaire, p. 199.
  6. Boller, Jr., Paul F.; George, John (1989). They Never Said It: A Book of Fake Quotes, Misquotes, and Misleading Attributions. Nova York: Oxford University Press. ISBN 0-19-505541-1.