Fudbalski Klub Crvena Zvezda
| FK Crvena Zvezda | |||
|---|---|---|---|
| Nome | Fudbalski Klub Crvena Zvezda | ||
| Alcume(s) | Zvezda (Estrela), Crveno-beli (Branquivermellos), Delije | ||
| Fundación | 4 de marzo de 1945 | ||
| Estadio | Stadion Crvena Zvezda Belgrado, Serbia | ||
| Inauguración | 1 de setembro de 1963 | ||
| Capacidade | 55.538 | ||
| Presidente |  Vladan Lukić | ||
| Adestrador |  Robert Prosinečki | ||
| Liga | SuperLiga Serbia | ||
| 2022/23 | 1.º | ||
| Na rede | |||
| http://www.crvenazvezdafk.com/en/index.php/ | |||
      | |||
| |||
O Fudbalski Klub Crvena Zvezda (en galego Fútbol Club Estrela Vermella) é a sección de fútbol da Sportsko Društvo Crvena Zvezda (Sociedade Deportiva Estrela Vermella), da cidade de Belgrado, en Serbia. Foi fundado o 4 de marzo de 1945 coas outras seis seccións deportivas do club: a sección de baloncesto, a de atletismo, a de natación, a de remo, a de voleibol e a de xadrez. O equipo competiu durante décadas na Primeira Liga de Iugoslavia, e actualmente disputa a SuperLiga Serbia.
Trátase do equipo máis laureado do fútbol serbio, cun total de 25 ligas e 22 copas, por diante do seu máximo rival, o FK Partizan. En 1991 pasou á historia ó gañar a Copa de Europa, con xogadores como Darko Pančev, Siniša Mihajlović, Vladimir Jugović, Miodrag Belodedici, Dejan Savićević e Robert Prosinečki, batendo naquela final nos penaltis ó Olympique Marsella de Jean-Pierre Papin.
O equipo xoga os seus encontros como local no Stadion Crvena Zvezda (en galego Estadio Estrela Vermella), inaugurado o 1 de setembro de 1963, que ten capacidade para acoller a 55.538 seareiros nas súas bancadas. Este estadio acolleu a final da Copa de Europa 1972-73 que enfrontou ó Ajax de Amsterdam co Juventus FC con vitoria para os neerlandeses. Tres anos despois foi un dos 2 estadios que acolleron a organización da Eurocopa de Fútbol Iugoslavia 1976, sendo a sede da final que enfrontou a Checoslovaquia coa Alemaña Federal, con vitoria dos primeiros.
Palmarés[editar | editar a fonte]
Internacional[editar | editar a fonte]
- Copa de Europa (1): 1990/91.
- Copa Intercontinental (1): 1991.
- Copa Mitropa (2): 1958, 1967/68.8
Subcampión da Copa da UEFA en 1979, e subcampión da Supercopa de Europa en 1991.
Nacional[editar | editar a fonte]
- Primeira Liga de Iugoslavia (19): 1951, 1952/53, 1955/56, 1956/57, 1958/59, 1959/60, 1963/64, 1967/68, 1968/69, 1969/70, 1972/73, 1976/77, 1979/80, 1980/81, 1983/84, 1987/88, 1989/90, 1990/91, 1991/92.
- Primeira Liga de Serbia e Montenegro (5): 1994/95, 1999/2000, 2000/01, 2003/04, 2005/06.
- Superliga de Serbia (8): 2006/07, 2013/14, 2015/16, 2017/18, 2018/19, 2019/20, 2020/21, 2021/22.
- Copa de Iugoslavia (12): 1948, 1949, 1950, 1957/58, 1958/59, 1963/64, 1967/68, 1969/70, 1970/71, 1981/82, 1984/85, 1989/90.
- Copa de Serbia e Montenegro (9): 1992/93, 1994/95, 1995/96, 1996/97, 1998/99, 1999/2000, 2001/02, 2003/04, 2005/06.
- Copa de Serbia (5): 2006/07, 2009/10, 2011/12, 2020/21, 2021/22.
- Supercopa de Iugoslavia (2): 1969, 1971.
- Copa da Liga de Iugoslavia (1): 1972/73.
Xogadores[editar | editar a fonte]
|
|
