Estado monicreque

Na Galipedia, a Wikipedia en galego.
Saltar para a navegação Saltar para a pesquisa
Protesta contra a Guerra de Vietnam. O home de pé, cun cartel que o identifica como o imperialismo estadounidense, manexa unha marioneta identificada como o fantoche de Saigón, en referencia a Vietnam do Sur.

Estado monicreque, estado fantoche ou goberno fantoche son termos utilizados despectivamente para referirse a un estado ou goberno que debe a súa existencia (ou outra cuestión importante) á instauración, apoio ou control por parte dunha entidade máis poderosa, tipicamente unha potencia estranxeira.[1]

O termo é partidista e propenso a conflitos semánticos, e é usado case exclusivamente polos detractores de tales gobernos, independentemente de que a maioría dos cidadáns afectados recoñeza a clasificación ou se opoña a ese tipo de goberno. Con frecuencia, un estado ou goberno é denominado fantoche por un goberno rival que emprega o termo para cuestionar a lexitimidade dese goberno. Ademais, adoita implicar a falta de lexitimidade dese goberno, desde o punto de vista do que usa o termo.

Por exemplo, os gobernos de Corea do Norte e Corea do Sur utilizaron ao longo da súa historia con frecuencia a retórica de que eles son en realidade os únicos gobernantes da península e de que o outro goberno é simplemente un fantoche da Unión Soviética ou dos Estados Unidos, respectivamente.

Notas[editar | editar a fonte]

  1. Marek, Krystyna (1954). Identity and Continuity of States in Public International Law. Librairie Droz. p. 178. ISBN 9782600040440. 

Véxase tamén[editar | editar a fonte]

Outros artigos[editar | editar a fonte]