Nervio hipogloso

Nervio hipogloso, plexo cervical e as súas ramas.

O nervio hipogloso, nervio hipogloso maior ou XII par cranial é un nervio craniano que se encarga especialmente de coordinar os movementos da lingua. Sae do cranio, do óso occipital, a través do burato condíleo anterior. Sae acompañado dos nervios do grupo do vago (IX, X e XI pares craniais). Despois sepárase deles e diríxese cara o borde lateral da lingua. Inervará a maior parte da musculatura extrínseca da lingua (o palatogloso non, que é inervado polo nervio accesorio) e parte dos músculos hoideos.

O seu núcleo atópase do bulbo raquídeo, no surco preolivar, que separa a oliva da pirámide. A este núcleo denomínaselle núcleo do hipogloso. É un nervio motor puro.

Ten 7 ramos colaterais:

• Ramo menínxeo ou recurrente.
• Ramos vasculares.
• Ramo anstomóstico para o ganglio plexiforme do neumogástrico ou X par.
• Nervio do músculo tirohioideo.
• Nervio dos músculos hiogloso e estilogloso.
• Ramo anastomótico para o nervio lingual.
• Nervio do xenihioideo.

• 
  Plexo venoso da lingua. O hipogloso foi desprazado cara abaixo nesta disección.
• 
  Sección do bulbo raquídeo.
• 
  Diagrama do tronco cerebral.
• 
  Sección sobre a decusación das pirámides.
• 
  Visión postero-lateral do tronco encefálico.
• 
  Esquema do nervio hipogloso.
• 
  Cavidade oral coa lingua cara o teito.