Victoria, Seychelles

Vista xeral de Victoria

Victoria, ás veces chamada Port Victoria, é a capital das illas Seixeles, cunha poboación de 24.701 habitantes, máis dun terzo da total da illa. É o centro político, económico e administrativo do país.

Xeografía

Victoria está situada na costa nordeste da illa de Mahé, a principal do arquipélago, abríndose sobre unha ampla bahía, na que se ubica o porto marítimo. Posúe o Aeroporto International das Seixeles (acabado en 1971), que é o único do país. As súas coordenadas xeográficas son 4º 37' 25" S e 55º 27' 16" L.

Divisións administrativas

A aglomeracin de Victoria comprendé oito dos 25 distritos das Seixeles:

1. La Rivière Anglaise.
2. Mont Buxton.
3. Saint Louis.
4. Bel Air.
5. Mont Fleuri.
6. Roche Caïman.
7. Les Mamelles.
8. Plaisance.

Economía

A cidade vive sobretodo do turismo e da comercialización de produtos propios das illas. As principais exportacións de Victoria son a vainilla, as noces de coco, o aceite de coco, conchas de tartarugas, xabón e guano. Posúe algunha industria importante a nivel local, como a de conservas de atún.

Turismo

A célebre reprodución do Big Ben no centro de Victoria, diante do edificio do Ministerio de Xustiza

Como atraccións na cidade (ver máis abaixo) pódense ver unha torre de reloxo, reproducción aproximada e reducida do Big Ben de Londres, O Pazo de Xustiza, o Xardín botánico de Victoria, o Museo nacional de historia, o Museo de historia natural e máis o mercado "Sir Selwyn Selwyn-Clarke".

O reloxo está no centro urbano. É o monumento máis fotografado polos turistas. Foi levantado en 1903, data do acceso das Seixeles ao estatus de colonia británica. Punto de intersección da Avenida da Independenza e da rúa Albert, é testemuña doutra curiosidade : os únicos semáforos da illa.

Ver tamén

• Mahé (Seixeles).