Delta do Río das Perlas

Vista satelital do delta do río das Perlas

A Rexión Metropolitana do Delta do Río das Perlas (en chinés: 珠江三角洲城市圈; pinyin: Zhūjiāng Sānjiǎozhōu Chéngshìquān) é un vasto conglomerado urbano do sur de China, que pola súa extensión, en torno ao esteiro do río Xi (das Perlas) entre Hong Kong no sueste e Macao no suroeste, e sobre todo polo seu rápido crecemento (un dos maiores do planeta en Shenzhen) está chamado a ser, se non o é xa (algúns^[quen?] estudos dan a cifra de cincuenta millóns de habitantes), o maior da Terra nos anos vindeiros.

Trátase dunha rexión urbanizada con dous centros de maior importancia: ó principal é Hong Kong (Xianggang), porto e praza financeira de primeiro orde; ó outro é Cantón, no vértice norte do delta, capital da provincia de Guangdong e metrópole cultural histórica do sur da China. Outras cidades importantes serían as xa citadas Shenzhen, xusto ao norte de Hong Kong e que hai tres décadas^[cando?] era unha pequena poboación pesqueira, pero tras ser elixida coma primeira "zona económica especial" da república popular en 1980, aberta polo tanto o investimento estranxeiro, converteuse nunha metrópole que se calcula posúe entre cinco e sete millóns de habitantes (a cifra exacta é difícil de saber pois a poboación flotante é enorme); Macau (Aomen), antiga colonia portuguesa e o seu carón, polo norte Zhuhai, cidade porto que tamén experimenta un gran crecemento.

Principais cidades da conurbación

• Cantón (municipalidade): 12 700 000
• Shenzhen (municipalidade): 12 600 000
• Hong Kong (Rexión Administrativa Especial): 7 000 000
• Dongguan (municipalidade): 2 000 000
• Huizhou (municipalidade): 1 000 000
• Macau (Rexión Administrativa Especial): 682 800

Véxase tamén

Outros artigos

• Historia de Hong Kong
• Historia de Shenzhen

Ligazóns externas

• Imaxe de satélite 1996.