Lacipo

Cidade romana de Lacipo.

A cidade romana de Lacipo, situada no concello de Casares (Provincia de Málaga, España), na zona coñecida como El Torreón, é practicamente unha atalaia sobre unha vía de penetración importante, desde a costa ao interior, en época romana. A súa situación estratéxica, convértena nun importante enclave de control, que dominaría a vía de penetración do val cara ao interior das actuais provincias de Cádiz e Málaga, e, polo tanto, ao controlar as zonas altas, dominaría tamén boa parte destas dúas provincias.

As primeiras referencias a Lacipo documéntanse a través dos escritos dos xeógrafos grecolatinos.

As campañas de escavación arqueolóxica demostraron a existencia dun recinto amurallado, en cuxo interior se localizaron restos de diversas estancias que parecen estar en función da muralla, encostadas ou xustapostas unhas a outras, sen que se evidencie un trazado ortogonal; constatouse a existencia de dúas alxibes, o que demostra a carencia de auga nesta zona. Así mesmo, acháronse os restos dun gran edificio de carácter público, e púidose constatar un nivel de enterramento hispano-visigodo.

Os resultados das investigacións arqueolóxicas permiten concluír que é un recinto colectivo de marcado carácter militar, cuxa cronoloxía se establecería entre os séculos I a. C. ao século I , podéndose prolongar ata o século II Asentándose a necrópole hispano-visigoda unha vez que as edificacións estaban en desuso.

Referencias

• Este artigo é unha obra derivada da disposición relativa ao proceso de declaración ou incoación dun ben cultural ou natural publicada no BOE n.º 172  o 17 de xullo de 1996 (texto), texto que está libre de restriccións coñecidas en virtude do dereito de autor de conformidade có disposto no artigo 13 da Lei de Propiedade Intelectual española.

]]