Kunsthistorisches Museum

Museo de Historia da Arte de Viena
Kunsthistorisches Museum na Praza de María Teresa
País	Austria
Cidade	Viena
Director	Dr. Sabine Haag
Inauguración	1891
Na rede
https://www.khm.at/ e https://www.khm.at/en/
[ editar datos en Wikidata ]

Prunkstiege no Museo.

O Kunsthistorisches Museum (Museo de Historia da Arte) de Viena (Austria) é un dos primeiros museos de belas artes e artes decorativas do mundo. O termo Kunsthistorisches Museum aplícase tanto á institución como ao seu edificio principal.

Inaugurouse en 1891 ao mesmo tempo que o Naturhistorisches Museum polo emperador Francisco Xosé I de Austria-Hungría. Os dous museos teñen exteriores idénticos e están un fronte ao outro a ámbolos dous lados da Praza de María Teresa. Ambos edificios foron erixidos entre 1872 e 1891 de acordo aos planos deseñados por Gottfried Semper e Karl Freiherr von Hasenauer.

Os dous museos da Ringstraße encargounos o emperador para encontrar un aloxamento adecuado para a magna colección de arte dos Habsburgo. A fachada do edificio é de pedra arenita. Ten planta rectangular, e acaba nunha cúpula de 60 metros de alto. Está coroado por unha estatua colosal de Palas Atenea. O interior do edificio está luxosamente decorado con mármore, decoracións de estuco, pan de ouro, e pinturas.

Colección

• 
  Arte exipcia
• 
  Camafeu romano
• 
  Busto de Xulio César
• 
  Moedas chinesas
• 
  Teniers: O Arquiduque Leopoldo Guillerme na súa galería en Bruxelas
• 
  Velázquez: Infanta Margarita Teresa en vestido azul
• 
  Baldung: A Sagrada Familia
• 
  Canova: Teseu
• 
  Vermeer: Alegoría da Pintura
• 
  Holbein: Retrato de Jane Seymour
• 
  Rafael: Madonna no gramado

Curiosidades

O Saleiro de Benvenuto Cellini, propiedade do Kunsthistorisches Museum, fora roubada o 11 de maio de 2003 e recuperada o 21 de xaneiro de 2006, nunha caixa enterrada nun monte próximo á cidade de Zwettl, na mesma Austria. Fora o roubo de arte máis importante da historia de Austria.

O Museo Kunsthistorisches aparece animado en detalle na misión final do xogo de computadora Mafia: The City of Lost Heaven, desenvolvido por Illusion Softworks.

Véxase tamén

Bibliografía

• Monreal, L., Grandes Museos, vol. 2, Editorial Planeta, 1975. ISBN 84-320-0460-X (colección completa)

Ligazóns externas

• Páxina web oficial (en inglés)