Nauvoo, Illinois

Modelo:Cidade Nauvoo é unha pequena cidade no condado de Hancock, no extremo oeste do estado de Illinois, Estados Unidos. Contaba cunha poboación de 1.071 habitantes, segundo o censo de 2007.

Nauvoo atrae a un gran número de visitantes cada ano por razón do seu legado histórico-relixioso, tanto para membros da Igrexa de Xesucristo dos Santos dos Últimos Días e outros grupos derivados do movemento dos Santos dos últimos Días, como tamén polo feito de ter sido unha das notables comunidades utópicas icarianas estadounidenses. A súa proximidade ó río Mississippi engádelle elementos naturais peculiares do estado de Illinois.

A cidade foi fundada por Joseph Smith, e nomeada por el do idioma hebreo Sefardí con ortografía anglosaxoa, palabra que provén do libro de Isaías 52:7, «Como de fermosos son sobre os montes ...!»

O aspecto relixioso que dominaba o pasado de Nauvoo perdeu ímpeto hoxe en día, agora é unha rexión primordialmente produtora de viño, tendo o viñedo máis antigo do estado. O código postal de Nauvoo é 62354.

Historia

O territorio que hoxe ocupa Nauvoo foi ocupado por unha colonia de indios das tribos de Fox e Sac chamada Quashquema até que foron trasladados pola Remoción India de 1824. O condado de Hancock foi creado no 1825 e organizado formalmente no 1829, once anos despois de que Illinois se fixese estado. Para ese ano o territorio tiña unhas poucas familias, maiormente granxeiros e trapeiros. No 1834 dous investidores, A. White e J. B. Teas, trazaron o pobo de Commerce nunha das revoltas do Río Misisipi, a unhas 53 millas (100 km) ó norte de Quincy. Cara o 1839, o pobo decaeu sen poder atraer colonizadores, e só se construíron unhas poucas casas. Os plans de éxito comercial, baseados na localización do pobo, sendo un portal cara ós rápidos na área, fracasaron especialmente polo feito de que o lugar era un pantano malárico.