Pieter Saenredam

Debuxo de Pieter Jansz Saenredam: Vista do interior da Sé de Utrecht

Pieter Jansz Saenredam (Assendelft, 9 de xuño de 1597 - inhumado en Haarlem o 31 de maio de 1665) foi un pintor holandés, especializado na pintura de igrexas. Saenredam era o nome naquela altura da actual cidade holandesa de Zaandam.

Biografía

Pieter Jansz Saenredam era fillo do impresor e debuxante de mapas Jan Saenredam, con quen se iniciou na arte. Desde 1612 ata 1622 foi discípulo e axudante do pintor Pieter de Grebber. Logo de 1623 traballou como pintor independente. Despois para o seu amigo, o arquitecto Jacob van Campen, pintou vistas arquitectónicas. No seu repertorio figuran vistas interiores e exteriores de igrexas do Norte holandés. Saenredam vivíu en ’s-Hertogenbosch, Assendelft, Alkmaar, Utrecht, Amsterdam e Rhenen, pero principalmente traballou en Haarlem, onde faleceu en 1665.

Método de traballo

Contemporáneo de Rembrandt, é lembrado pola sorprendente modernidade das súas pinturas de igrexas. Saenredam conseguía ese aspecto tan moderno con as súas medicións meticulosas e con os esbozos previos que facía dos templos que desexaba pintar. Utilizaba lápis, pluma e xiz, aos que engadía acuarela que axudaba a obter a textura e colorido nos esbozos, os cales eran moi minuciosos nos detalles arquitectónicos. Conseguía a atmofera especial dos interiores con un intelixente uso da luz e unha distribución gradual das sombras. De modo deliberado, Saenredam deixaba as igrexas baleiras de xente, para lograr que o foco de atención do espectador se dirixise sobre os edificios e as súas formas arquitectónicas. Só despois do elborado traballo de medicións e precisos debuxos das igrexas, o pintor regresaba ao seu estudo onde creaba as pinturas.

Obras principais

Interior da Nieuwe Kerk de Haarlem, 1652.

Consérvanse en total arredor de 50 pinturas de Saenredam. Velaí as principais:

• Interior da Nieuwe Kerk (Igrexa Nova) de Haarlem, 1652 (ver imaxe).
• Interior do Coro de Sint Bavokerk (San Bavón) de Haarlem, tinta sobre papel, Schlossmuseum, Weimar.
• Interior de Sint Bavokerk de Haarlem, 1628, papel, Museo Real de Belas Artes, Bruxelas.
• Interior de Sint Bavokerk de Haarlem, 1630, óleo sobre madeira, Museo do Louvre, París.
• Interior de Sint Bavokerk de Haarlem, 1648, óleo sobre táboa, National Gallery of Scotland, Edinburgo.
• Interior de Sint Odulphuskerk (San Olafo) en Assendelft, óleo sobre táboa, Rijksmuseum, Amsterdam.
• Interior do Coro Sint Bavokerk de Haarlem, 1660, óleo sobre madeira, Worcester Art Museum, Worcester, Inglaterra.
• Interior da Nieuwe Kerk (Igrexa Nova) de Haarlem, 1652, táboa, Museo Frans Hals, Haarlem
• Interior da Buurkerk (Igrexa Veciñal) en Utrecht, 1644, óleo sobre madeira, National Gallery, Londres.
• Interior de Sint Jacobkerk (Igrexa de Santiago) de Utrecht, 1642, óleo sobre madeira, Alte Pinakothek, München.
• De Buurkerk te Utrecht (A Igrexa Veciña de Utrecht), 1654, óleo sobre madeira, Colección Six, Amsterdam.
• Interior de Sint Janskerk (Igrexa de San Xoán) de Utrecht, óleo sobre madeira, Museum Boijmans Van Beuningen, Rotterdam.
• Het Oude Raadhuis (A Casa Vella do Concello) en Amsterdam, 1657, óleo sobre madeira, Rijksmuseum, Amsterdam.
• Interior da Grote Kerk (Igrexa Grande) en Alkmaar, 1661, tinta e acuarela, Graphische Sammlung Albertina, Viena.