Barita

Barita
Cristais de barita (cor gris) e rosa de barita (cor salmón)
Fórmula química	BaSO4
Clase	Sulfatos
Sistema cristalino	Rómbico
Cor	Incolora, branca, gris, amarela, vermella e azul
Brillo	Nacarado
Dureza	3-3,5
Fractura	Concoidea
Exfoliación	Perfecta
Raia	Branca
Densidade	4,48 g/cm3

A barita (tamén chamada baritina; do grego baros que significa pesado) é un mineral da clase dos sulfatos cuxa fórmula química é BaSO₄ (sulfato de bario).

Aspecto

Os cristais de barita son xeralmente tabulares e paralelos á base, en ocasións co aspecto de ataúd. Se os cristais tabulares son diverxentes forman o que se chama rosa de barita, moi parecida esteticamente á rosa do deserto do xeso.

Lugares onde se atopa

É un mineral moi común. Aparece frecuentemente nos filóns de minerais metálicos da mesma forma que o fai o cuarzo e a calcita.

Usos da barita

A barita é a principal fonte de bario. Debido a súa alta densidade (para tratarse dun mineral non metálico) a barita é usada nos lodos de perforación de pozos.

Outros sulfatos

Outros sulfatos importantes son a anglesita, a anhidrita, a celestina e o xeso.