Alessandra Aguilar: Diferenzas entre revisións
Artigo sobre Alessandra Aguilar |
(Sen diferenzas.)
|
Revisión como estaba o 18 de agosto de 2012 ás 11:28
Alessandra Aguilar Morán, nada o 1 de xullo de 1978 en Lugo, é unha fondista galega[1].
Traxectoria
Foi campioa de Europa na categoría Júnior, e na categoría Promesa gañou o Campionato de España de 5.000 metros en pista, o Triangular Gran Bretaña-España-Francia de 3.000 metros, e varios Campionatos de España Universitarios de 5.000, entre outros. Xa na categoría absoluta, ten participado en diversas probas coma os Campionatos de Europa de Medullín, Edimburgo e Useedom, o Campionato do Mundo de San Galmier e o de Fukuoka, ou a maratón de Rotterdam[2].
Tamén correu a maratón feminina dos Xogos Olímpicos de Londres 2012, onde quedou no posto 26º cun tempo de 2:29:19[3], sendo a mellor clasificada das tres españolas que competían, e mellorando a súa marca dos Xogos de Pequín, onde fixera un tempo de 2:39:29 (posto 54).
Notas
- ↑ Ficha Ficha na páxina do Comité Olímpico Español (en castelán).
- ↑ Currículum deportivo de Alessandra Aguilar. Principais participacións ata 2008.
- ↑ Resultados oficiais da maratón feminina. Páxina web oficial dos Xogos Olímpicos de Londres 2012 (en inglés).