Lois Caeiro

Luís Rodríguez García, coñecido como Lois Caeiro, nado en Sobrado o 10 de abril de 1951, é un xornalista e escritor galego. En 2010 era o director de El Progreso de Lugo.

Traxectoria

Naceu na aldea das Cruces da parroquia de San Xiao de Cumbraos no concello de Sobrado, estudou na cidade da Coruña, no seminario de Santiago, en Comillas e fixo xornalismo en Madrid.

Foi coordinador da colección Testemuños da Editorial SEPT, colaborador de Galicia confidencial, Encrucillada, comentarista político de El Ideal Gallego, xefe de prensa da Delegación do Goberno en Galicia. Xefe dos servizos informativos da Televisión de Galicia (1985-1986), director xeral da Compañía de Radio Televisión de Galicia (1986-1987). Colaborador habitual de El Correo Gallego, publicou O xantar da memoria (2003).

Obras

• Aquel mundo, 1996.
• O xantar da memoria, 2004. Premio Álvaro Cunqueiro.