Tadao Ando

Museo de Arte Moderna, Fort Worth.

Tadao Ando (en xaponés 安藤忠雄 Andō Tadao), nado o 13 de setembro de 1941 en Osaka, é un arquitecto xaponés cuxo estilo arquitectónico se clasifica ás veces coma Critical Regionalism (Rexionalismo Crítico). Cunha traxectoria un pouco singular, traballou coma camioneiro e boxeador antes de ser arquitecto e sen contar coa formación académica da profesión, é un dos arquitectos xaponeses con máis recoñecemento dentro e fóra do seu país. Foi galardoado co Premio Pritzker no ano 1995.

Traballa primeiramente con formigón para encofrados "in situ", sendo recoñecido o seu traballo por unha exemplar artesanía que invoca o sentido xaponés de materialidade, unión e narrativa espacial a través da simple estética do modernirmo internacional. Os seus edificios caracterízanse por complexos camiños tridimensionais. Estes camiños líganse entre espazos exteriores e interiores, formados ambos a grande escala xeométrica e nos espazos entre eles.

No ano 1969 estableceu a firma Tadao Ando Architects & Associates.

A súa "Row House" (Casa en fila), unha pequeda casa de dous plantas, feita con formigón in situ e rematada no ano 1976, é un dos seus primeiros traballos que amosa elementos do seu característico estilo. Consiste en tres volumes rectangulares iguais: dous volumes interiores separados por un patio aberto. Pola natureza da posición do patio entre os dous volumes interiores, este convértese nunha parte integral do sistema de circulación da casa.

No 1995, Ando gañou o prestixioso Premio Priztker da Arquitectura. Doou os 100.000 dólares aos nenos orfos do terremoto de Kobe dese mesmo ano.

Principais proxectos

• "Row House" (Azuma House), Sumiyoshi-ku, Ōsaka, prefectura de Ōsaka, Xapón, 1976
• Rokko Housing One, Rokkō, Kōbe, prefectura de Hyōgo, Xapón, 1983
• Festival, Naha, prefectura de Okinawa, Xapón, 1984
• Igrexa sobre a auga, Shimukappu, prefectura de Hokkaidō, Xapón, 1988
• GALERÍA akka, Ōsaka, prefectura de Ōsaka, Xapón, 1988
• Museo da Infancia, Himeji, prefectura de Hyōgo, Xapón, 1989
• Igrexa da Luz de Osaka, Ibaraki, prefectura de Ōsaka, Xapón, 1989
• "Collezione", Toquio, Xapón, 1989
• Templo do auga, Illa de Awaji, prefectura de Hyōgo, Xapón, 1991 [1]
• Museo de Arte Comtemporáneo de Naoshima, Naoshima, prefectura de Kagawa, Xapón, 1992 [2] [3]
• Pavillón Xaponés da Expo 92, Sevilla, España, 1992
• "Rokko Housing Two", Rokkō, Kōbe, prefectura de Hyōgo, Xapón, 1993
• Residencia privada, Chicago, Illinois, 1997
• Fundación das Artes Pulitzer, Missouri, 2001 [4]
• Museo de Arte Moderno de Fort Worth, Fort Worth, Texas, 2002 [5]
• Museo de Arte Chichu, Naoshima, prefectura de Kagawa, Xapón, 2004 [6]

Véxase tamén

Ligazóns externas

• Páxina Web de Tadao Ando
• Páxina non oficial de Tadao Ando
• Folla Web de Tadao Ando en greatbuildingsonline.com