Wikipedia:Páxina de conversa

Para ler unha pequena introdución ao máis básico das páxinas de conversa véxase Axuda:Introdución ás páxinas de conversa.

Unha páxina de conversa, ás veces tamén chamada páxina de discusión, é unha páxina que os editores poden empregar para debater sobre as melloras que se poden facer nun artigo ou en calquera outra páxina da Wikipedia.

A páxina de conversa asociada a un artigo leva por nome "Conversa:Exemplo", onde "Exemplo" é o nome do artigo. Por exemplo, a páxina de conversa do artigo Australia será Conversa:Australia. Pola súa banda, as páxinas de conversa asociadas a páxinas noutros espazos de nomes engaden "Conversa" antes do espazo de nomes; por exemplo, a páxina de conversa de Wikipedia:Acerca de será Conversa Wikipedia:Acerca de.

As páxinas de usuario tamén teñen as súas páxinas de conversa asociadas (por exemplo, Conversa usuario:Agremon). Cando os outros editores queren poñerse en contacto contigo, o normal é que o fagan deixando unha mensaxe na túa páxina de conversa. Se alguén che deixou unha mensaxe verás un aviso informativo de cor laranxa decontado.

Acceso ás páxinas de conversa

A lapela da conversa.

As ligazóns que levan ata as páxinas de conversa están sinalizadas nunha lapela co "Conversa", localizada na parte superior das páxinas. Ao premeres sobre esta lapela cambias á páxina de conversa; funciona do mesmo xeito ca a meirande parte das páxinas presentes na Wikipedia: podes ollar o seu historial e editala se queres engadir un comentario ou expoñer unha dúbida.

Se a ligazón "Conversa" aparece en vermello significa que ninguén comezou aínda ningún fío de conversa. O sistema de lapelas serve tamén para regresar desde a páxina de conversa ata o artigo, páxina de usuario ou calquera á que estea asociada.

Uso das páxinas de conversa

Deberías asinar as túas contribucións escribindo tres ou catro tiles (AltGr+4):

• (~~~ = O teu nome de usuario)
• (~~~~ = O teu nome de usuario hora:minutos, día mes ano (UTC)).

Se vas tratar sobre o título da páxina ou propor que se xunte o contido co de outra páxina, menciona sempre a páxina actual: unha vez movida, as referencias a "este título" perderían sentido.

Nunha páxina de conversa, "esta páxina" refírese normalmente á páxina actual (ou sexa, a páxina á que está asociada a páxina de conversa). Se o que pretendes é falar da propia páxina de conversa, refírete a ela como "esta páxina de conversa".

O símbolo + que aparece ao lado de "editar esta páxina" permite que se cree unha sección automaticamente e pide xa un título.

Non é aceptábel a práctica do "spamming" ou "cross-posting", consistente en colocar mensaxes semellantes en varias páxinas de conversa, especialmente de usuarios, co propósito de solicitar algo. Non o fagas. Dálle tempo ao tempo.

Formato

O software que está detrás do wiki permite moitos estilos de formato. Nos artigos principais vaise adecuando o texto conforme se fai editando pero, como nas páxinas de conversa non se editan os comentarios dos usuarios anteriores, convén seguir desde o principio unhas convencións que permitan a lectura doada e seguir o desenvolvemento das ideas.

• Escribe sempre na parte inferior da páxina de conversa ou da sección sobre a que queiras comentar, non antes. Nesta wikipedia asumimos que a sucesión cronolóxica dentro de cada sección vai de arriba a abaixo. Non empeces unha sección nova ao principio da páxina de conversa: non será máis visíbel porque o usuario lerá sempre a mensaxe que lle escribas por causa do aviso que se lle mostra.

• Comeza unha sección nova para tratar un tema novo: non trates doutra cousa porque entón o fío discursivo perderase. Tampouco inicies unha sección nova se xa existe: a conversa fragmentarase e non todos lerán os mesmos argumentos.

• Cando respostes a unha mensaxe podes facer de varias maneiras:
  • colocar dous puntos (':') antes. Cada dous puntos representa un salto de tabulador.
  • colocar un asterisco (*) antes: O asterisco crea unha lista. Este é actualmente o procedemento máis seguido na Galipedia.

Un exemplo do primeiro é o seguinte:

Que tal o leite? --[[Bob]] :Moi ben!! --[[Lisa]] :Non está mal. --[[George]] ::Fíxeno eu! --[[Bob]] Penso que a conversa sobre o leite debería trasladarse a [[Conversa:Leite]]. --[[Lisa]] :Non estou de acordo. --[[George]]

Que produciría algo así:

Que tal o leite? --Bob Moi ben!! --Lisa Non está mal. --George Fíxeno eu! --Bob Penso que a conversa sobre o leite debería trasladarse a Conversa:Leite. --Lisa</nowiki> Non estou de acordo. --George

Ten mensaxes novas

Despois de que alguén edite a súa páxina de conversa de usuario, verás automaticamente unha alerta como a que aparece a continuación. Este aviso aparecerá en todas as páxinas que visites ata que leas a mensaxe que che deixaron.

• Se premes sobre "mensaxes novas" irás directamente á fin da túa páxina de conversa.
• Se premes sobre "diferenzas coa revisión anterior" verás as diferenzas que provocou a última edición.

Ten mensaxes novas (diferenzas coa revisión anterior).

---

Volver á páxina de axuda.