Isidoro Bugallal: Diferenzas entre revisións
Xas (conversa | contribucións) Nova páxina: "'''Isidoro Bugallal Araújo''', nado en Ponteareas o 3 de setembro de 1854 e falecido en Madrid o 14 de abril de 1914, foi un avogado e escritor galego. ==T..." |
(Sen diferenzas.)
|
Revisión como estaba o 28 de outubro de 2009 ás 19:06
Isidoro Bugallal Araújo, nado en Ponteareas o 3 de setembro de 1854 e falecido en Madrid o 14 de abril de 1914, foi un avogado e escritor galego.
Traxectoria
Estudou o bacharelato en Pontevedra e licenciouse en Dereito pola Universidade de Santiago de Compostela. En 1883 trasladouse a Madrid e ingresou no corpo de Rexistradores da Propiedade.
Foi deputado provincial, deputado a Cortes polo distrito de Ponteareas en 1903 e polo distrito de Ourense en 1914. Colaborou na prensa galega e madrileña e foi elixido académico correspondente da Real Academia Galega.
Casou en primeiras nupcias con María Pérez de Castro, que faleceu en 1892 e en segundas con Pilar Marchesi Buhigas.
Grazas a súa xenerosidade construíuse o edificio das Escolas Graduadas de Ponteareas, que agora ocupa o Museo Municipal.
Obras
- Dos semblanzas de Cánovas, 1898.
- Suiza española. Paseando por Galicia, 1903.
- Notas políticas. Antes y después del Desastre, 1908.
Véxase tamén
Bibliografía
- López Morán, Beatriz e Mínguez-Goyanes de la Rica, José Luis (2003). Parlamentarios de Galicia, biografías de deputados e senadores (1810-2001). A Coruña: Real Academia Galega. ISBN 978-84-87987-27-4.