Cándida Otero
| Biografía | |
|---|---|
| Nacemento | 28 de outubro de 1846  Pontevedra, España |
| Morte | 7 de marzo de 1915 (68 anos) Vigo, España |
| Lugar de sepultura | Cemiterio de Pereiró |
| Datos persoais | |
| País de nacionalidade | España |
| Actividade | |
| Ocupación | fotógrafo profesional |
| Lingua | Lingua castelá |
| Familia | |
| Cónxuxe | Felipe Prósperi |
| Fillos | non tivo |
Cándida Filomena Otero Fontán, nada en Pontevedra en 1846 e finada en Vigo en 1915, foi unha galega pioneira da fotografía profesional.
Traxectoria
O 25 de setembro de 1869 casou na mesma igrexa que fora bautizada, San Bartolomeu de Pontevedra, co italiano Felipe Prósperi (1817-1899), moito mais vello ca ela.[1] Instaláronse como fotógrafos, primeiro en Pontevedra, na rúa Parador, e despois en Vigo, na rúa Sombrereros, logo na rúa Triunfo e por último na rúa do Príncipe.
Á morte de Felipe, en 1899, Cándida Otero quedou á fronte do negocio como Viuda de Prósperi. Non tiveran fillos. En 1907 asociouse con Jaime Pacheco, levando a empresa o nome de Pacheco y vda. de Prósperi.[2]
O traballo do matrimonio Prosperi-Otero foi a orixe do que despois se deu en chamar Arquivo Pacheco.
Notas
- ↑ Bará, Milagros (5/8/2018). "Cándida Otero, la primera fotógrafa de Pontevedra". Diario de Pontevedra (en castelán).
- ↑ Padín Ogando, Fernanda. "Cándida Otero (1846-1915)"
Véxase tamén
Bibliografía
- González Martín, G. (1995). "Orígenes de la Fotografía en Vigo (1850-1880)" (PDF). Glaucopis (en castelán) (IEV) (1): 199–221. ISSN 1135-1810.
 Prado, P. (2014). A lembranza do ollar (III): Filippo Prosperi e Cándida Otero CCG. |