Samuel Crompton

Na Galipedia, a Wikipedia en galego.
Infotaula de personaSamuel Crompton

Editar o valor em Wikidata
Biografía
Nacemento3 de decembro de 1753 Editar o valor em Wikidata
Bolton (Reino Unido) Editar o valor em Wikidata
Morte26 de xuño de 1827 Editar o valor em Wikidata (73 anos)
Bolton (Reino Unido) Editar o valor em Wikidata
Lugar de sepulturaSt Peter's Church, Bolton (en) Traducir
Bolton (pt) Traducir Editar o valor em Wikidata
Datos persoais
País de nacionalidadeReino Unido de Gran Bretaña e Irlanda Editar o valor em Wikidata
Actividade
Ocupacióninventor Editar o valor em Wikidata
InstrumentoRap Editar o valor em Wikidata
Sinatura
Editar o valor em Wikidata
WikiTree: Crompton-491 Find a Grave: 5805 Editar o valor em Wikidata

Samuel Crompton, nado en Bolton (Lancashire) o 3 de decembro de 1753 e finado na mesma cidade o 26 de xuño de 1827 foi un inventor inglés, pioneiro da industria téxtil.[1] Traballando cos inventos de James Hargreaves e Richard Arkwright creou a spinning mule, unha máquina que revolucionou a industria mundial.[2][3]

Traxectoria[editar | editar a fonte]

Primeiros anos[editar | editar a fonte]

Samuel Crompton naceu no 10 Firwood Fold, Bolton, Lancashire, fillo de George e Betty Crompton (de nacemento Elizabeth Holt of Turton). O seu pai era porteiro do próximo Hall i' th' Wood. Samuel tiña dúas irmás máis novas. Cando era novo perdeu o seu pai e tivo que contribuír nos recursos da súa familia fiando, o que aprendeu empregando a spinning jenny de James Hargreaves.[4] As deficiencias desta máquina impulsárono a tratar de mellorar o aparello, traballando en segredo durante cinco ou seis anos.

O 16 de febreiro de 1780 na igrexa parroquial de Bolton, Crompton casou con Mary Pimlott (ou Pimbley). Tiveron oito fillos, incluído George Crompton (nado o 8 de xaneiro de 1781), que continuou co negocio familiar.[5]

Spinning mule[editar | editar a fonte]

Único exemplo sobrevivente dunha spinning mule construída por Crompton no Bolton Museum.

Arredor de 1779, Samuel Crompton tivo éxito producindo unha mule-jenny, máquina que lograba fíos axeitados para o uso na fabricación de muselina.[6] Coñeceuse como muslin wheel (roda de muslina) ou a Hall i' th' Woodwheel,[7] polo nome da casa en que vivían el e a súa familia.[8] A mule-jenny converteuse máis adiante na spinning mule. Había unha forte demanda para o fío que Crompton estaba a fabricar en Hall i' th' Wood pero faltáronlle os medios para obter unha patente. A espionaxe nos seus métodos forzaron a Crompton a escoller entre destruír a máquina ou facela pública. Decidiuse por esta última alternativa despois de recibir promesas de numerosos fabricantes de pagarlle por usar a súa máquinal. Porén, todo o que recibiu foron unhas 60 libras.[9]

A mule-jenny xiraba as fibras empregando rolos como no marco de Arkwright, mentres que o fuso se movía adiante e atrás 54 polgadas para estricar o fío, e entón recollíao nos fusos como na máquina de Hargreaves. [10] A importancia da mule era que podía xirar o fío mellor que se se fixese a man, o que levaba a obter fibras aínda máis finas. Os fíos grosos (40s) vendíanse por 14 xilins por libra, mentres que o fiado na súa máquina (80s) se vendía a 42 xilins por libra.[11]

"Esta vista de The Hall ith' Wood preto de Bolton. (onde Samuel Crompton inventou a primeira Spinning Mule) ...dedicada con respecto aos fiadores de algodón de Lancashire." Litografía de F. Jones (Day & Son, litógrafos da Raíña), a partir de Selim Rothwell.

Como a mule non foi patentado outros axiña a fabricaron. A máquina foi construída en ferro e aplicouse potencia para axudar ao motor interior en 1790[6] e contra 1834 estaba totalmente automatizada.[12] Unha enquisa de 1812 amosou que había entre catro e cinco millóns de fusos en uso. Crompton non recibiu compensación económica (royalties) polo seu invento.[13][14]

En 1800, conseguiuse unha suma de 500 libras para o seu beneficio mediante subscrición e cando en 1809 Edmund Cartwright, inventor do tear mecánico, obtivo 10 000 libras do parlamento, Crompton decidiuse a solicitar unha subvención. En 1811, fixo unha nos distritos produtores de Lancashire e Escocia para recoller probas que amosasen o extensivo uso da súa máquina e en 1812 o parlamento outorgoulle 5000 libras.[14] Con esta axuda monetaria, Crompton comezou un negocio como branqueador e mercador e fiador de algodón, mais sen éxito. En 1824, algúns amigos como Isaac e Benjamin Dobson, Benjamin Hick, John Kennedy e Peter Rothwell, do Bolton's Black Horse "prosecution" Club, conseguíronlle unha anualidade de 63 libras sen o seu coñecemento.[15][16]

Crompton faleceu na súa casa de King Street, Bolton o 26 de xuño de 1827, e foi enterrado na igrexa parroquial de St Peter's.[17]

Notas[editar | editar a fonte]

  1. ↑ "Samuel Crompton, the inventor of the spinning mule : a brief survey of his life and work, with which is incorporated a short history of Messrs. Dobson & Barlow in SearchWorks". Consultado o 30 de xaneiro de 2017. 
  2. ↑ Timmins 1996, pp. 21,24.
  3. ↑ Jackson, Tim (4 de maio de 2006). "The Fashion Handbook". Routledge. Consultado o 30 de xaneiro de 2017 – vía Amazon. 
  4. ↑ Baines 1835, p. 159.
  5. ↑ "Is There a Tweaker Driving Innovation On Your Team?". Consultado o 30 de xaneiro de 2017. 
  6. ↑ 6,0 6,1 Baines 1835, p. 199.
  7. ↑ Baines 1835, p. 202.
  8. ↑ "Samuel Crompton 1753 - 1827". Consultado o 21 de abril de 2008. 
  9. ↑ Baines 1836, p. 199.
  10. ↑ Baines 1835, p. 198.
  11. ↑ Baines 1835, p. 201.
  12. ↑ Baines 1835, p. 207.
  13. ↑ Bolton Museum and Arquive Service. "No Financial Reward". www.boltonmuseums.org.uk (en inglés). Arquivado dende o orixinal o 11 de abril de 2010. Consultado o 14 de maio de 2015. 
  14. ↑ 14,0 14,1 Baines 1835, p. 203.
  15. ↑ "Crompton, Samuel". Encyclopædia Britannica (11th ed.). Cambridge University Press
  16. ↑ Collingwood. "Black Horse Hotel, Blackhorse Street". Lost Pubs of Bolton. Blogger. Consultado o 10 de marzo de 2015. 
  17. ↑ "Manchester Engineers and Inventors". Arquivado dende o orixinal o 03 de agosto de 2010. Consultado o 2008-04-21. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Samuel_Crompton&oldid=6263823»