Elvira de León, raíña de Sicilia
| Elvira de León, raíña de Sicilia | |
|---|---|
| Raíña consorte de Sicilia | |
 | |
| Elvira Alfónsez, filla de Afonso VI de León | |
| Reinado | 1105 - 1154 |
| Outros títulos | Infanta de León |
| Nacemento | Setembro de 1103 Toledo |
| Falecemento | 6 de febreiro de 1135 Palermo, Reino de Sicilia |
| Sepultura | Catedral de Palermo |
| Cónxuxe/s | Roxerio II de Sicilia |
| Descendencia | Véxase Matrimonio e descendencia |
| Casa real | Dinastía ximena |
| Proxenitores | Afonso VI de León |
| Na rede | |
 | |
Elvira Alfónsez, infanta de León, nada en setembro de 1103 en Toledo e finada o 6 de febreiro de 1135,[1] foi a primeira raíña consorte de Sicilia, polo seu matrimonio con Roxerio II.
Traxectoria[editar | editar a fonte]
Primeiros anos[editar | editar a fonte]
Elvira era filla de Afonso VI de León e de Isabel, a súa cuarta esposa, que algúns autores consideran a mesma persoa que Zaida, mentres que outros discrepan.[2]
Elvira foi criada en Toledo, polo que debía estar acostumada á convivencia entre cristiáns e musulmáns, como a que existía tamén en Sicilia.[2]
Matrimonio e descendencia[editar | editar a fonte]
Elvira casou co daquela conde de Sicilia Roxerio II de Sicilia en 1117, e converteuse en raíña en 1130 cando o seu esposo se fixo coroar rei.[2]
Froito do matrimonio tiveron cinco fillos e dúas fillas:[2]
- Roxerio (1118-1148), duque de Puglia e posibelmente conde de Lecce (desde 1135).
- Tancredo (1119-1138), príncipe de Bari (desde 1135).
- Afonso (1120/1121-1144), príncipe de Capua e duque de Nápoles (desde 1135).
- Adelisa (c. 1126-despois de 1184), condesa de Florencia, casada en primeiras nupcias con Xoscelino, conde de Loreto, e en segundas con Roberto, conde de Loritello e conde de Conversano. Sen descendencia ou con descendencia descoñecida.
- Unha nena (morta na infancia en 1135).
- Guillerme (1131-1166), duque de Puglia (desde 1148), rei de Sicilia como Guillerme III (desde 1150).
- Henrique (1135-1145).
Morte e posterioridade[editar | editar a fonte]
En 1135 tanto Roxerio como Elvira enfermaron. A enfermidade era grave e contaxiosa. Roger sobreviviu, pero Elvira non tivo a mesma sorte, e morreu o 6 de febreiro do mesmo ano.[1][3]
Elvira recibiu sepultura na capela real de Santa Magdalena, en Palermo.
Roxerio permanece viúvo durante catorce anos, e só volveu casar cando catro dos seus cinco fillos con Elvira morreran.[3]
En 1149 contraeu matrimonio con Sibila de Borgoña, e en 1151 volveu casar con Beatriz de Rethel.[1]
| Predecesor: Novo título |
Raíña consorte de Sicilia 1130-1135 |
Sucesor: Sibila de Borgoña |
Notas[editar | editar a fonte]
- ↑ 1,0 1,1 1,2 Salazar 1993, p. 324.
- ↑ 2,0 2,1 2,2 2,3 Houben 2002, pp. 35-36.
- ↑ 3,0 3,1 Houben 2002, pp. 95-96.
Véxase tamén[editar | editar a fonte]
 |
Commons ten máis contidos multimedia sobre: Elvira de León, raíña de Sicilia |
Bibliografía[editar | editar a fonte]
- Alio, Jacqueline (2018): Queens of Sicily 1061-1266. Nova York: Trinacria. ISBN 978-1-9436-3914-4.
- Birk, Joshua C. (2017): Norman Kings of Sicily and the Rise of the Anti-Islamic Critique: Baptized Sultans. Springer. ISBN 3-3194-7042-6.
- Houben, Hubert (2002): Roger II of Sicily: A Ruler Between East and West. Cambridge University Press ISBN 978-0-5216-5573-6.
- Salazar y Acha, Jaime de (1993): "Contribución al reinado de Alfonso VI de Castilla: algunas aclaraciones sobre su política matrimonial". Anales de la Real Academia Matritense de Heráldica y Genealogía, Volume II. Madrid: Real Academia Matritense de Heráldica y Genealogía, páxinas 301-336.
