Enxebre Orde da Vieira
 | Atención: Este artigo ou sección semella conter investigacións orixinais. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2016.) |
 | Este artigo ou apartado contén afirmacións non neutrais e/ou texto que promociona o tema tratado de forma subxectiva sen achegar información neutral e verificable. Por favor, axude mellorando este artigo. |
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
| Enxebre Orde da Vieira | |
|---|---|
| Tipo | asociación |
| Data de fundación | 1967 |
| Sede | Madrid |
| País | España |
| [ editar datos en Wikidata ] | |
A Enxebre Orde da Vieira é un grupo asociado ao Centro Gallego de Madrid fundado en 1967 coa finalidade de reunir os galegos que vivían en Madrid para defender e apoiar todo o relacionado con Galicia. Non poñen limitacións ideolóxicas, mais o grupo en si podería considerarse elitista; o amor a Galicia é a razón de existencia da Orde, máis non é o único tema tratado polos representantes da mesma. Normalmente xúntanse unha vez ao ano nunha comida na época do Entroido.
Inicios e evolución[editar | editar a fonte]
A Enxebre Orde da Vieira nace como unha representación da galeguidade levada a cabo por uns universitarios residentes en Madrid, cando no verán de 1967 participaron nun encontro na praia de Panxón, en Vigo. O grupo de galegos que organizou a reunión residían tamén en Madrid, e eran coñecidos como os "Borobó" e os "Madrigallegos".
O obxectivo principal da Orde nas súas orixes era xuntar os galegos afincados en Madrid e apoiar todo o relacionado con Galicia. Pretendíase abrir un grupo de encontro sen limitacións ideolóxicas para potenciar o orgullo de seren galegos, orgullo que se vira afectado noutros tempos, así como defender e solidarizarse coa terra galega; debido a esta finalidade rexeitan os cargos e é un Consello quen dirixe o grupo. Con todo isto, os seus membros pertencen á elite galega en Madrid ou a partidos políticos, principalmente de dereitas.
O nome da Enxebre Orde da Vieira fai referencia á simboloxía tradicional da cultura galega. O termo enxebre fai referencia á parte máis arraigada da cultura tradicional co propósito de conducila cara a modernidade a través dos camiños da cultura. A vieira relaciónase cos camiños xacobeos que conectan Galicia con Europa, así como coa emigración, coa Galicia mariñeira, artesá e gastronómica.
A Orde ten organizado exposicións de diferentes pintores galegos en Madrid e presentacións literarias. Porén, o acto anual máis destacado é o Capítulo Xeral Ordinario, que se celebra no Entroido, por ser esta unha das festas máis típicas da cultura tradicional galega. Dito acto pode ser considerado o máis representativo da galeguidade na diáspora. Nel cítanse tanto os galegos máis importantes de Madrid como doutras Comunidades Autónomas, da propia Galicia, e mesmo de diferentes países europeos e americanos. Alén deste encontro, a Orde ten organizado Capítulos Extraordinarios en Santiago de Compostela cada ano santo; tamén se celebraron en cidades como Río de Janeiro, México DF, Lisboa, Nova York, Bos Aires, Roma e Galway (Irlanda).
O 6 de abril de 1989, 21 anos despois da creación da Enxebre Orde da Vieira, fundouse Asociación Cultural da Vieira, co obxectivo de difundir a cultura e a lingua galega tanto para os galegos como para o resto de españois interesados. Esta Asociación foi elixida como centro colaborador da Xunta no ano 2000.
Actividade[editar | editar a fonte]
Mencionase neste apartado unha listaxe das actividades realizadas pola Enxebre Orde da Vieira e a Asociación Cultural da Vieira.
- Teñen máis de 30 libros editados, que son distribuídos gratuitamente e chegan a todos os centros galegos do mundo.
- Convocan concursos literarios e gráficos como a Vieira do Humor, dedicados cada ano a un autor galego. Dunha destas convocatorias editouse o libro Galicia y la Cultura del Humor.
- Outorgan unha serie de trofeos anuais: os Madrigallegos de Oro, os trofeos á Galeguidade no mundo e a Vieira de Honor á Calidade Artística.
- A través da Promoción de Galicia en Madrid (PROGRAMA), colaboran na promoción de pintores, escultores, cine e outros referentes culturais de procedencia galega en Madrid; así como de produtos típicos galegos.
Segundo os propios membros da Orde, a actividade lograda defínese da seguinte maneira:
A Orde conseguiu todo e non conseguiu nada. Non buscamos honores, nin poder, nin diñeiro... e nada temos. Pola contra, buscamos mellorar a imaxe de Galicia no mundo e entre os seus propios cidadáns, queríamos impedir que caera no esquecemento entre os que tiveron que abandonala, aumentar a súa autoestima e a admiración dos demais cara ela, cara a súa cultura, a súa terra e as súas xentes. Tampouco aquí o conseguimos todo, mais estamos satisfeitos; e, en todo caso, aínda temos forzas para seguir loitando. EL CONSELLO DE LA ORDEN Madrid, Marzo de 2015[1]
Segundo os membros, o resultado dos 48 anos de actividade foi prestar atención a un colectivo galego que non adoita integrarse nos propios centros galegos; loitaron pola recuperación da galeguidade activa; a relación entre galegos do exterior e do interior de Galicia; potenciaron o orgullo de seren galegos; a adopción de persoas que senten predilección por Galicia, así como a expansión da galeguidade e do espírito xacobeo por diferentes países.
Representantes da Orde[editar | editar a fonte]
O ingreso dos novos membros é acordado polo Consello da Orde e supón un recoñecemento de méritos como galegos, mais tamén o compromiso de facer máis por Galicia. Cada membro debe pagar integramente os seus gastos.
A Orde conta con membros tanto en España, como en América, Asia e outros países de Europa. Cabe destacar que entre os seus membros atópanse altos cargos como ex-ministros, ministros, o xefe do Estado maior da defensa, o secretario de migración da Xunta, xuristas e demais personalidades da elite que mostran a posición política e ideolóxica do grupo.
Recital de recibimento[editar | editar a fonte]
Ante o pleno do Consello, acto público e solemne, ten lugar o seguinte procedemento [1]:
- Lectura pública do historial curricular do candidato/a, destacando os feitos que demostran o seu amor por Galicia.
- Imposición da capa de peregrinos a Santiago.
- Imposición da Concha da Vieira, enfiada nun cordón vermello.
- Entrega da insignia de solapa.
- Entrega do diploma de membro da Orde co lema: Por canto fixo, fai e aínda máis fará polo erguemento da terra, para que viva entre nós, con lembranza e amizade.
Publicacións[editar | editar a fonte]
Esta asociación conta cunha serie de publicacións, todas elas co tema central de Galicia:
- Mensajeros de Galicia
- Galegos por Galicia
- Testimonios Gallegos en Madrid
- Sempre en Galicia, Nai e Señora
Notas[editar | editar a fonte]
- ↑ 1,0 1,1 "Páxina da Orde". Arquivado dende o orixinal o 05 de abril de 2016. Consultado o 28 de marzo de 2016.
Véxase tamén[editar | editar a fonte]
Bibliografía[editar | editar a fonte]
- Sixirei Paredes, Carlos (2001). Asociacionismo Galego no exterior 2 vols. Santiago de Compostela, Xunta de Galica.