Endonuclease flap

Na Galipedia, a Wikipedia en galego.
Saltar ata a navegación Saltar á procura

As endonucleases flap ou endonucleases de solapa (abreviadas FEN, tamén coñecidas como nucleases 5' en referencias vellas) son unha clase de encimas nucleolíticos que actúan como exonucleases 5'-3' ou como endonucleases específicas de estrutura sobre estruturas de ADN especializadas que aparecen durante os procesos biolóxicos de replicación, reparación e recombinación do ADN. As endonucleases flap foron identificadas en eucariotas, bacterias, arqueas e nalgúns virus. Os organismos poden ter máis dunha FEN homóloga; esta redundancia pode dar unha indicación da importancia destes encimas. En procariotas, o encima FEN encóntrase como un dominio N-terminal da ADN polimerase I, pero algúns procariotas parece que codifican un segundo homólogo.[1][2][3]

A actividade de endonuclease das FEN foi identificada inicialmente como unha actuación sobre ADN bicatenario que ten unha solapa que sobresae monocatenaria 5' nunha das febras (denominada flap ou solapa 5', de aí o nome do encima).[4] As FEN catalizan a clivaxe hidrolítica do enlace fosfodiéster na unión do ADN monocatenario co bicatenario. As FEN poden tamén actuar como exonucleases 5'-3' sobre o extremo 5' da febra da solapa e sobre o substrato de ADN con 'amosega'.

Os modelos de estrutura proteica baseados en datos de cristalografía de raios X suxiren que as FEN teñen un arco flexible creado por dúas hélices α a través do cal pode enfiarse a febra monocatenaria 5' da estrutura de solapa 5'.[5]

As endonucleases flap foron utilizadas en biotecnoloxía, por exemplo no ensaio Taqman PCR.[6] e no ensaio de polimorfismo de nucleótido simple (SNP) Invader®.[7]

Notas[editar | editar a fonte]

  1. Sayers, Jon R. (1994). "Computer Aided Identification of a Potential 5′-3′ Exonuclease Gene Encoded by Escherichia coli". Journal of Theoretical Biology 170 (4): 415–21. PMID 7996866. doi:10.1006/jtbi.1994.1202. 
  2. Liu, Yuan; Kao, Hui-I; Bambara, Robert A. (2004). "FLAP ENDONUCLEASE 1: A Central Component of DNA Metabolism". Annual Review of Biochemistry 73: 589–615. PMID 15189154. doi:10.1146/annurev.biochem.73.012803.092453. 
  3. Ceska, T; Sayers, JR (1998). "Structure-specific DNA cleavage by 5′ nucleases". Trends in Biochemical Sciences 23 (9): 331–6. PMID 9787638. doi:10.1016/S0968-0004(98)01259-6. 
  4. Harrington, John J.; Lieber, Michael R. (1994). "The characterization of a mammalian DNA structure-specific endonuclease". The EMBO Journal 13 (5): 1235–46. PMC 394933. PMID 8131753. 
  5. Ceska, T. A.; Sayers, J. R.; Stier, G.; Suck, D. (1996). "A helical arch allowing single-stranded DNA to thread through T5 5'-exonuclease". Nature 382 (6586): 90–3. PMID 8657312. doi:10.1038/382090a0. 
  6. Method for testing a mutant gene through real time polymerase chain reaction using inhibition of 5'-flap endonuclease activity
  7. Olivier, Michael (2005). "The Invader® assay for SNP genotyping". Mutation Research/Fundamental and Molecular Mechanisms of Mutagenesis 573 (1–2): 103–10. PMC 2771639. PMID 15829241. doi:10.1016/j.mrfmmm.2004.08.016. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

External link Endonucleases flap, exonucleases 5'-3' e nucleases 5'