Emmy Sonnemann

Emmy Sonnemann
	;
Biografía
Nacemento	(de) Emma Johanna Henny Sonnemann ; 24 de marzo de 1893 ; Hamburgo, Alemaña
Morte	8 de xuño de 1973 (80 anos); Múnic, Alemaña
Lugar de sepultura	Waldfriedhof de Munique (pt)
Actividade
Ocupación	actriz de teatro, autobiógrafa, actriz de cinema, coleccionista de arte
Partido político	Partido Nacionalsocialista Alemán dos Traballadores
Familia
Cónxuxe	Hermann Göring (1935–1946)
Fillos	Edda Göring
Premios
	(1934) Staatsschauspieler (en) ; Insignia de Ouro do NSDAP ;
Descrito pola fonte	Obálky knih,

Emma Johanna Henny Sonnemann, nada en Hamburgo en 1893 e finada en Múnic en 1973, foi unha actriz alemá, coñecida por ser a segunda muller de Hermann Göring (1935-1946).

Traxectoria

Filla dun xerente dunha fábrica de chocolate, pasou unha infancia despreocupada. En 1911 entrou na escola de teatro de Leopold Jessner e fíxose actriz profesional. En 1916 casou cun actor, pero o matrimonio non durou moito. En 1922 entrou no Teatro Nacional Alemán de Weimar.

En 1932 coñeceu a Hermann Göring durante unha visita á cidade de Adolf Hitler. En 1933 por influencia de Göring, xa presidente do goberno de Prusia, entrou a formar parte do Berliner Schauspieltheater. En 1934 actuou no filme Wilhelm Tell no papel de Hedwig. O 10 de abril de 1935, data da voda entre Emmy e Göring, declarouse xornada festiva en Alemaña, e pouco despois Emmy abandonou a súa carreira teatral. En 1938 naceu a súa única filla, Edda.

Hitler mandou deter a Göring e a súa familia o 25 de abril de 1945 por alta traizón, e Emmy permaneceu arrestada ata a rendición de Alemaña. O 25 de outubro de 1945 detivérona os americanos ata o 19 de febreiro de 1946. Detida de novo o 27 de maio de 1947, acusada de enriquecemento ilícito durante o réxime nazi, e trasladada ao campo de internamento de Göggingen, condenada a un ano de traballos forzados e a incautación do 30% do seu patrimonio. Posta en liberdade en xullo de 1948 trasladouse a vivir a Múnic.

En 1967 publicou un libro de memorias.