Elena Estévez
| Biografía | |
|---|---|
| Nacemento | século XIX  Galicia, España |
| Morte | marzo de 1933 Teis, España |
| Familia | |
| Pai | Julián Estévez |
Elena Estévez Mignot, finada en Teis en marzo de 1933[1], foi unha propagandista agraria galega.
Traxectoria[editar | editar a fonte]
Filla de Julián Estévez, cada 1 de maio saía por Vigo cunha bandeira republicana ata o Paseo de Afonso XII e nunha ocasión fixo abrir as portas dunha fábrica de conservas situada na rúa de Sanjurjo Badía para que saísen á rúa as obreiras, obrigadas a traballar ese día. Cando o seu pai se converteu en presidente do Directorio Antiforista de Teis, Elena vinculouse á campaña antiforal realizada polo Directorio. Dende 1909 foi constante a súa participación nos mitins e reunións antiforistas xunto con Carmen Álvarez. Insistía os seus discursos á muller galega para convencela da necesidade de incorporarse a unha loita na que se libraba a vida de Galicia e a emigración dos seus fillos.
Vida persoal[editar | editar a fonte]
Casou con Ricardo Fernández.
Notas[editar | editar a fonte]
- ↑ Vida Gallega, 10-3-1933, p. 43.
Véxase tamén[editar | editar a fonte]
Bibliografía[editar | editar a fonte]
- Val, Marga do (2022). "A historia desaparecida de Elena Estévez, voz no relato do agrarismo" (233): 140–143.