Elena Ceaușescu

Na Galipedia, a Wikipedia en galego.
(Redirixido desde "Elena Ceauşescu")
Elena Ceaușescu
Elena Ceausescu portrait.jpg
Elena Ceaușescu
Datos persoais
Nacemento 7 de xaneiro de 1916
Lugar Balotești
Falecemento 25 de decembro de 1989
Lugar Târgovișche
Organización Partido Comunista Romanés
Profesión Política e química

Elena Ceaușescu, de solteira Elena Petreșcu, nada en Balotești o 7 de xaneiro de 1916 e finada en Târgovișche o 25 de decembro de 1989, foi viceprimeira Ministra de Romanía (1952 - 1989) e dona do presidente romanés Nicolae Ceaușescu.

Traxectoria[editar | editar a fonte]

Nada nunha familia pobre nun pobación preto de Targoviște, trasladouse co seu irmán a Bucarest despois da finalización da escola primaria. En 1937 ingresou ao Partido Comunista (PCR), onde coñecería a Nicolae Ceaușescu en 1939, co que casaría en 1945.

Elena Ceaușescu rematou a carreira de química en 1967. Até a elección de Nicolae como Secretario Xeral do PCR, Elena tivo diversos postos de variable importancia, como secretaria do Ministerio de Asuntos Exteriores. Co ascenso do seu home, Elena comezou a tomar posicións importantes na estrutura estatal e a dirección do PCR. Dende 1979 Elena era a segunda persoa en importancia de Romanía, co título de Vice Primeira Ministra.

Trala Revolución romanesa de 1989, o 25 de decembro de 1989, Elena e mailo seu home foron condenados a morte por un tribunal creado ex profeso nun xuízo sumario sen ningunha garantía xurídica, validez legal nin posibilidade de defenderse das acusacións, baixo os seguintes cargos: xenocidio, dano á economía nacional, enriquecemento inxustificable e uso das Forzas Armadas en accións en contra de civís. Foron executados por fusilamento nun cuartel militar en Târgovișche. Estes sucesos foron transmitidos pola televisión romanesa días despois para acougar á poboación, xa que seguía habendo combates entre os partidarios e opositores a Ceaușescu.

Curiosidades[editar | editar a fonte]

  • O novelista romanés Eugen Barbu chamouna poeticamente a "alta dama do país".
  • Elena era coñecida entre os romaneses como a "dama de aceiro do comunismo".
  • En ocasións era alcumada "codoi", referíndose á súa suposta mala pronuncia do composto químico CO2 sendo burlada por moitos, entre eles un oficial durante a súa execución. "Codoi" tamén significa "cola grande" en romanés, de alí o efecto cómico creado pola súa suposta mala pronuncia.
  • Antes da execución, o tribunal que a condenou informoulle que o matrimonio sería fusilado por separado, ao que ela respondeu: "xuntos loitamos, xuntos morreremos!".
  • Por cada bala que recibiu o seu marido Nicolae, Elena recibiu dez (el 11 e ela 110)[1].

Notas[editar | editar a fonte]

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Elena Ceaușescu Modificar a ligazón no Wikidata