Eleccións ao Parlamento de Escocia de 2007
| Eleccións ao Parlamento de Escocia de 2007 | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
← 2003 (pt)    Eleccións ao Parlamento escocés
→ | |||||||||||||||||||||||||||
| Data | 3 de maio de 2007 | ||||||||||||||||||||||||||
| Tipo | Scottish Parliament election (en) | ||||||||||||||||||||||||||
| Cargo elixido | Member of the 3rd Scottish Parliament (en) | ||||||||||||||||||||||||||
| Resultado da votación
| |||||||||||||||||||||||||||
| |||||||||||||||||||||||||||
.jpg){kind=small}
As eleccións ao Parlamento escocés de 2007 celebráronse o 3 de maio de 2007 e son a terceira convocatoria electoral dende que entrara en funcionamento o Parlamento escocés, logo da Lei de Escocia de (1999). As eleccións tiveron lugar coincidindo coas eleccións municipais en todos os concellos de Escocia, así como coas eleccións á Asemblea de Gales e as eleccións municipais en diversas vilas e cidades de Inglaterra e Gales.
Sistema electoral
[editar | editar a fonte]Nestes comicios non se modificou o sistema tradicional de elección ao parlamento escocés, baseado nunha dobre votación por circunscricións e rexións electorais.
O voto por circunscricións
[editar | editar a fonte]As papeletas electorais para os votos ás circunscricións son de cor crema. Existen 73 circunscricións electorais en Escocia, e cada unha delas elixe o seu representante. A diferenza de poboación é moi pequena entre unha e outra circunscrición, e sitúanse ao redor dos 80.000 habitantes. Só as illas Shetland e Órcadas están sobrerrepresentadas pola súa escasa poboación.
É elixido deputado no parlamento escocés aquel ou aquela candidata que consiga un voto máis có resto. É o que se coñece como first-past-the-post, ou sexa, o primeiro que chega, gaña.
O voto por rexións
[editar | editar a fonte]As papeletas electorais para os votos ás rexións electorais son de cor violeta. Existen oito rexións electorais, e cada unha delas escolle sete deputados. As rexións teñen ao redor de 600.000 electores.
Aínda que se produce unha nova votación para este sistema, o voto por rexións é considerado complementario do de circunscricións, e procura compensar a proporcionalidade que se perde co sistema de elección directa. Para achar o número de deputados que se lles outorga a cada unha das candidaturas, divídese o número de votos recibidos na urna rexional polo número, máis un, das circunscricións en que obtiveron a vitoria. Así, se unha formación gaña en cinco circunscricións, divídese o seu voto rexional por seis. Despois realízase unha asignación semellante á Lei d'Hont, escollendo os mellores cocientes, e facendo sudivisións por divisores maiores ata completar os sete deputados rexionais.
Sondaxes
[editar | editar a fonte]A maior parte das sondaxes previas outorgábanlle a vitoria ao Partido Nacional Escocés , cunha porcentaxe que se movía entre o 28 e o 40%, máis elevada canto máis próxima aos comicios. En segunda posición colocaban o Partido Laborista, entre un 28% e un 38%, máis baixa canto máis preto das votacións. Nun segundo estado colocábanse o Partido Conservador e mais o Partido Liberal-Demócrata, entre o 10% e o 18%.
Resultados
[editar | editar a fonte]Por primeira vez na historia, o Partido Nacional Escocés gañou unhas eleccións en Escocia. Había máis de 50 anos que os laboristas non saían derrotados nuns comicios. Pero os resultados non permiten a confección dunha maioría de goberno, agás coa intervención de tres partidos (fóra da posibilidade, matematicamente existente, dunha Gran Coalición, que non é probábel).
| Partido | Voto en circunscricións | % | +/- | Escanos | +/- | Voto rexional | % | +/- | Escanos | +/- | Escanos totais | +/- | |
| Partido Nacional Escocés | 664.227 | 32,9 | +9,1 | 21 | +12 | 633.401 | 31,0 | +10,2 | 26 | +8 | 47 | +20 | |
| Partido Laborista | 648.374 | 32,2 | -2,5 | 37 | -9 | 595.415 | 29,2 | -0,1 | 9 | +5 | 46 | -4 | |
| Partido Conservador | 334.743 | 16,6 | -0,0 | 4 | +1 | 284.005 | 13,9 | -1,6 | 13 | -2 | 17 | -1 | |
| Partido Liberal-Demócrata | 326.232 | 16,2 | +0,9 | 11 | -2 | 230.671 | 11,3 | -0,5 | 5 | +1 | 16 | -1 | |
| Partido Verde Escocés | 2.971 | 0,2 | +0,2 | 0 | 82.584 | 4,0 | -2,8 | 2 | -5 | 2 | -5 | ||
| Partido Socialista Escocés | 525 | 0,0 | -6,2 | 0 | 12.731 | 0,6 | -6,1 | 0 | -6 | 0 | -6 | ||
| Solidariedade | 31.066 | 1,5 | +1,5 | 0 | 0 | ||||||||
| Partido Unidade da Terceira Idade Escocesa | 1.702 | 0,1 | +0,0 | 0 | 38.743 | 1,9 | +0,4 | 0 | -1 | 0 | -1 | ||
| Independentes |
25.047 | 1,2 | -1,2 | 0 | -2 | 21.320 | 1,0 | -0,7 | 1 | +1 | 1 | -1 | |
| Outros |
13.157 | 1,2 | 0 | 112.173 | 5,56 | 0 | 0 | ||||||
| Total |
2 016 978 | 100,00 | 129 | 2 016 978 | 100,00 | 129 | 129 | ||||||
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- VoteScotland, unha web oficial de información sobre o proceso electoral.
- Especial electoral da BBC