El Correo de Galicia (1900)

Para outras páxinas con títulos homónimos véxase: El Correo de Galicia.

El Correo de Galicia foi un xornal editado en Santiago de Compostela entre 1900 e 1920.

Historia e características

Apareceu o 12 de novembro de 1900 co subtítulo de Diario independiente de avisos y noticias. Dirixido por Ramón Gallego García, facía constar en todos os números que se editaba con censura eclesiástica. Alejandro Taboada Rivas foi o seu redactor xefe até a súa morte en 1908. Entre os seus colaboradores figuraron José Portal Fradejas, Emilio Villelga Rodríguez, Ricardo León, Juan López de Rego e Luis Cimadevilla Rey -que asinaba como Alcuino-. Cesou a súa publicación a principios de 1920, sendo substituído por El Compostelano.

Véxase tamén

Bibliografía

• Santos Gayoso, Enrique (1990). Historia de la Prensa Gallega 1800-1986. Sada: Do Castro. ISBN 84-7492-489-8. 

Ligazóns externas

• Ficha e exemplares de El Correo de Galicia en Galiciana.