Eiry Thomas

Eiry Thomas

Biografía
Nacemento	11 de maio de 1968 (55 anos) Cardiff, Reino Unido
Datos persoais
País de nacionalidade	Reino Unido
Actividade
Ocupación	actriz
Lingua	Lingua inglesa
Obra
Obras destacables (2005-2008) Con Passionate (en) (2010-2013) The Indian Doctor (en)
Familia
Cónxuxe	Iestyn Jones

Eiry Thomas, nada en Cardiff o 11 de maio de 1968, é unha actriz galesa.

Traxectoria

Asistiu á Ysgol Gynradd Gymraeg Bryntaf e á Ysgol Gyfun Gymraeg Glantaf en Cardiff. Tras graduarse estudou teatro no Rose Bruford College de Londres. Comezou a actuar na Ópera Nacional de Gales e en 1982 participou na serie infantil da BBC Cymru Wrth draed y meirw e en 1990 na drama da S4C Mwy Na Phapur Newydd e ao longo da década de 1990 saíu esporadicamente nalgunha serie de televisión. En 2001 apareceu de xeito relevante en catro episodios da serie en inglés The Bench que se emitiu a BBC One Wales e polo que levou o BAFTA Cymru á mellor actriz. En 2003 protagonizou a miniserie Triongl para a S4C baseada nunha serie gaélica irlandesa e pola que foi candidata ao BAFTA Cymru á mellor actriz en 2004 saíu nun episodio de Pobol y Cwm, a serie máis longa e emblemática galesa. Entre 2005 e 2008 apareceu na serie en galés Con Passionate de S4C que foi a primeira serie galesa en gañar un Rose d'Our . En 2006 apareceu nun episodio de Torchwood e nese ano e en 2008 apareceu nun total de catro episodios da serie galesa en inglés Belonging. En 2008 actuou no filme Cwcw e que lle valeu o premio BAFTA Cymru á mellor actriz e tamén foi un dos protagonistas da primeira tempada da serie Teulu. En 2009 apareceu en dous episodios de Eastenders. En 2010 desempeñou un dos papeis principais da serie da S4C Pen Talar. En 2013 apareceu en cinco episodios de The Indian Doctor. Apareceu tamén nalgúns episodios de Stella entre 2012 e 2016, tivo un papel principal na miniserie Rillington Place (2016) e saíu nun episodio de Sherlock en 2017. Foi un dos personaxes principais de Byw Celwydd (2016-2017), de Un Bore Mercherd (2017-2019), Enid a Lucy (2019) e da miniserie de Channel 4 The Accident (2019).

Foi unha das fundadores da compañía teatral Theatr Pena, que intentaba crear oportunidades para as mulleres no teatro e producía obras de teatro clásicas e modernas, nalgunhas das cales Eiry tamén actuaba nalgunha das súas producións como The Royal Bed (2015), The Glass Menagerie (2016) ou Woman of Flowers (2018). Por falta de fondos a compañía disolveuse en febreiro de 2019. Está casada co actor e arqueólogo Iestyn Jones e teñen dous fillos, Gruffudd e Branwen.