EVA Air

Na Galipedia, a Wikipedia en galego.
Saltar ata a navegación Saltar á procura
EVA Air
EVA AIR logo.svg
IATA
BR
OACI
EVA
Indicativo
EVA
Fundación8 de marzo de 1989
Inicio das operacións1 de xullo de 1991
AlianzaStar Alliance
SubsidiariasUNI Air
Frota74
Destinos77 (cos de carga)
HoldingEvergreen Group
Páxina web: https://www.evaair.com/

EVA Air Corporation (chinés: 長榮航空; pinyin: Chángróng Hángkōng) é unha aeroliña taiwanesa baseada no aeroporto internacional de Taiwán Taoyuan preto de Taipei. Opera servizos de pasaxeiros e carga a uns 40 destinos internacionais en Asia, Australia, Europa e Norteamérica.[1] EVA Air é maioritariamente de propiedade privada e opera unha rede de rutas totalmente internacional. É unha aeroliña de 5 estrelas segundo a clasificación de Skytrax.[2] É a segunda aeroliña máis grande de Taiwán, despois de China Airlines.

Dende a súa fundación en 1989 como afiliada do conglomerado do sector do transporte Evergreen Group, EVA Air expandíuse incluíndo ás súas actividades a carga aérea, o cátering de aeroliñas, a asistencia en terra e servizos de enxeñería de aviación. A súa división de carga, EVA Air Cargo, enlaza coa rede de transporte mundial de Evergreen por mar e terra. A súa subsidiaria doméstica e rexional, UNI Air, opera unha rede de medio e curto alcance cara destinos en Taiwán, Macau e China tendo o seu prinipal centro de conexións en Kaohsiung.

EVA Air opera unha frota mixta de avións Airbus e Boeing, con Airbus A330, Airbus A321 e Boeing 777 usados principalmente para rutas de pasaxeiros, xunto con Boeing 747-400 e Boeing 777 para rutas de carga. Foi unha das primeiras aeroliñas en introducir a clase "Premium Economy" (chamada Elite Class en EVA Air), que estrearon en 1991 e está dispoñible a bordo dos seus Boeing 777.

Frota[editar | editar a fonte]

Boeing 777-300ER .

En novembro de 2017 a frota de EVA Air estaba formada polos seguintes avións:[3]

Frota de EVA Air
Avión En servizo Pedidos Opcións Pasaxeiros Notas
J K Y Total
Airbus A321-200 22 8 176 184 Operados por EVA Air e Uni Air
Dous avións están transferidos a Uni Air.
B-16206 coa librea de Star Alliance.
Airbus A330-200 3 24 228 252
Airbus A330-300 9 30 279 309
Boeing 777-300ER 34 38 64 221 323 B-16715 coa librea de Star Alliance.
39 56 238 333
39 56 258 353
Boeing 787-9 4[4] TBA As entregas comezarán en xuño de 2018. 4 alugados a ALC.[4]
Boeing 787-10 20[5] 6[5] TBA 18 de Boeing[5] e 2 alugados a ALC.[4]
Frota de EVA Air Cargo
Boeing 747-400BDSF 2 Carga Convertido de avión de pasaxeiros.
Van ser retirados e serán substituídos por Boeing 777F.
Boeing 747-400F 3 Carga Van ser retirados e serán substituídos por Boeing 777F.
Boeing 777F 1[6] 4[7] Carga Entregas dende novembro de 2017 ata 2019.
Substituirán aos Boeing 747-400F e 747-400BDSF.[8]
Total 74 28 6

Notas[editar | editar a fonte]

  1. EVA Air (ed.). "Destinations and Route Maps". Consultado o 23 de marzo de 2018. 
  2. Skytrax (ed.). "World's 5-star airlines". Consultado o 23 de marzo de 2018. 
  3. Planespotters (ed.). "EVA Airways Fleet Details and History". Consultado o 23 de marzo de 2018. 
  4. 4,0 4,1 4,2 World Airline News (ed.). "EVA Air to lease four Boeing 787-9s and two 787-10s from ALC". Consultado o 23 de marzo de 2018. 
  5. 5,0 5,1 5,2 Yahoo News (ed.). "EVA Airways and Boeing sign Taiwan's biggest ever plane deal". Consultado o 23 de marzo de 2018. 
  6. Air Cargo News (ed.). "EVA receives first new B777F". Consultado o 23 de marzo de 2018. 
  7. Boeing (ed.). "Boeing, EVA Air Finalize Order for Five 777 Freighters". Consultado o 23 de marzo de 2018. 
  8. EVA Air (ed.). "EVA Introduces Boeing 777 Freighter To deploy newest aircraft on Asia-North America air cargo routes". Consultado o 23 de marzo de 2018. 

Véxase tamén[editar | editar a fonte]

Ligazóns externas[editar | editar a fonte]