Drowning Pool é unha banda de música Nu metal e metal alternativo formada en 1996 na cidade de Dallas, Texas, nos Estados Unidos. A carreira da banda xorde no 2000 grazas ao festival de Ozzfest e desde entón crece rapidamente ata o presente, ademais cada un dos seus discos ten un vocalista distinto. O seu álbum debut no 2002 foi chamado Sinner e gañou o disco de platino en seis semanas. Durante o mes de agosto do mesmo ano, ocorreu o deceso do vocalista da banda, Dave Williams, produto dun ataque cardíaco.
Finalmente, no 2003, uniuse á banda o músico Jason 'Gong' Jones, substituíndo ao falecido vocalista facendo a súa primeira aparición para o seu novo álbum Desensitized do 2004, pero a mediados de 2005, anuncia a súa saída da banda.
Despois de moitos rumores, é anunciado que o novo vocalista sería Ryan McCombs, o anterior vocalista da banda Soil. O seu novo disco "Full Circle" foi lanzado no 2007, incluíndo un cover de Billy Idol, Rebel Yell. No 2008 lanzan o disco ao vivo chamado Loudest Common Denominator onde Ryan McCombs canta cancións dos vocalistas anteriores. No 2010 a banda lanza o seu cuarto álbum de estudio homónimo. O tema Rise Up usase na WWE para abrir o programa Smackdown, tamén realiza varias cancións para os eventos de pago pola visión da WWE. No 2011 Ryan McCombs deixa Drowning Pool volvendo coa súa banda inicial Soil. No 2012 integrase á banda Jasen Moreno como o novo vocalista.
.jpg)
