O Dornier Do 17 foi un bombardeiro medio alemán usado durante a segunda guerra mundial. Era o bombardeiro medio alemán máis difundido cando comezou a guerra, e a Luftwaffe usouno a grande escala nas batallas de Francia e de Inglaterra. A finais de 1940 o seu deseño empezaba a quedar desfasado polo que foi dado de baixa como bombardeiro e comezou a realizar outro tipo de funcións.
Tratábase dun bombardeiro bimotor de á alta, con catro tripulantes concentrados na proa. A súa versión normalizada foi a Do 17Z-2.
