Dolores Jiménez Hernández

Na Galipedia, a Wikipedia en galego.
Saltar ata a navegación Saltar á procura
Dolores Jiménez Hernández
Dolores Jiménez Herández (43818150380).jpg
Nacemento1 de abril de 1955
Lugar de nacementoCidade de México
NacionalidadeMéxico
Alma máterUniversidade Nacional Autónoma de México e Universidade Nacional Australiana
Ocupacióndiplomática e Embaixador
editar datos en Wikidata ]

Dores Jiménez Hernández, nada en Cidade de México o 1 de abril de 1955, é unha diplomática mexicana, que actualmente traballa como embaixadora de México en Honduras.[1]

Traxectoria[editar | editar a fonte]

É licenciada en Relacións Internacionais pola Universidade Nacional Autónoma de México. Os seus estudos de especialización en Diplomacia realizounos na Universidade Nacional de Australia.[2] Foi asistente de finanzas e de actas das Reunións do Consello Coordinador Empresarial (1976-1979). Posteriormente, foi analista de Asuntos financeiros internacionais na Secretaría de Facenda e Crédito Público (1980-1981).[3] 

En 1982 ingresou no Servizo Exterior Mexicano[3]. Na Secretaría de Relacións Exteriores traballou como Xefa do Departamento para o Pacífico Oriental (1984-1985) e como Subdirectora para Xapón na Dirección Xeral para o Pacífico (1986-1991). Así mesmo, traballou como Asesora do Subsecretario para as Nacións Unidas (2002-2003) e Directora Xeral Adxunta para a Asemblea Xeral e Organismos Especializados do Sistema das Nacións Unidas (2004-2007).

No exterior foi Delegada ante a Misión Permanente de México ante os Organismos Internacionais con sede en Xenebra, que inclúen a Organización Mundial da Saúde (OMS); a Organización Internacional do Traballo; a Organización Mundial da Propiedade Intelectual (OMPI); a Unión Internacional para a Protección das Obtencións Vexetais; a Organización Internacional para as Migracións; as Reunións do Consello Económico e Social das Nacións Unidas, e as Reunións e Conferencias das partes dos Convenios sobre o Cambio Climático e a Diversidade Biolóxicadurante (1991-1997).[4]

Foi funcionaria na Organización Mundial da Propiedade Intelectual, traballou como Directora de Desenvolvemento de Políticas e Relatora da Comisión Asesora de Políticas (1999-2002); así mesmo como Conselleira Principal da Dirección de Planificación Estratéxica e Secretaria do Grupo de Desenvolvemento de Políticas (1998- 1999).[5][6]

Traballou como representante Permanente Alterna ante a Organización da Aviación Civil Internacional de 2007 a 2011, con sede en Montreal e co mesmo cargo na Organización dos Estados Americanos (OEA), en Washington de 2011 a 2015.[7]

En 2015 foi designada como embaixadora de México na República de Honduras, onde traballou por ampliar a cooperación entre México e Honduras, en materia de seguridade, desastres naturais e migración.[1][8][9]

Notas[editar | editar a fonte]

  1. 1,0 1,1 "Ratifica Senado nombramientos diplomáticos en Honduras, Jamaica y Guyana" (en castelán). Arquivado dende o orixinal o 10 de novembro de 2018. Consultado o 9 de novembro de 2018. 
  2. "Embajadora Jiménez viene a Honduras - Diario La Tribuna". Diario La Tribuna Honduras (en castelán). 14 de abril de 2015. Arquivado dende o orixinal o 10 de novembro de 2018. Consultado o 9 de novembro de 2018. 
  3. 3,0 3,1 "Embajadora" (en castelán). Consultado o 9 de novembro de 2018. 
  4. Comisiones Unidas de Relaciones Exteriores y América Latina y el Caribe del Senado (2015). "Dictamen por el que ratifica el nombramiento que el ciudadano presidente de la República hace a favor de la ciudadana Dolores Jiménez Herández, como Embajadora de México en la República de Honduras" (PDF). 
  5. OPI (2000). "INFORME SOBRE LA COOPERACION DE LA ORGANIZACION MUNDIAL DE LA PROPIEDAD INTELECTUAL (OMPI) CON LOS PAisES DE AMERICA LATINA EN MATERIA DE DERECHO DE AUTOR Y DERECHOS CONEXOS. MARZO DE 1999 A MAYO DE 2000" (PDF). Arquivado dende o orixinal (PDF) o 10 de novembro de 2018. 
  6. "El Comité de Coordinación apoya promociones" (en castelán). Consultado o 9 de novembro de 2018. 
  7. "28th PAN AMERICAN SANITARY CONFERENCE. 64th SESSION OF THE REGIONAL COMMITTEE" (PDF). Consultado o 9 de novembro de 2018. 
  8. "Solidaridad, unión y hermandad internacional entre Honduras y México". 
  9. "Honduras y México unen esfuerzos para combatir migración irregular" (en castelán). Consultado o 2021-05-30.