Dimmu Borgir

VIAF	158476974
ISNI	0000000123755607

Dimmu Borgir
	Instancia de grupo de heavy metal
	Xénero Black metal sinfónico; black metal melódico (pt)
	Composto por Shagrath (pt) ; Stian Arnesen ; Astennu (pt) ; Mustis (pt) ; ICS Vortex (pt) ; Stian Aarstad (pt) ; Ivar Tristan Lundsten (pt) ; Tjodalv (pt) ; Sven Atle Kopperud (pt) ; Galder (pt) ; Nicholas Barker (pt)
	Selo discográfico No Colours Records (pt) ; Nuclear Blast Records
Obra
	Discografía discografia de Dimmu Borgir (pt)
Datas
	Inicio de actividade 1993
	Data de fundación 1993
Localización
	Lugar de formación Oslo
	País de orixe Noruega
Premios
	Premios Alarmprisen in metal (en) (2007); Premio Spellemann ao videoclip do ano (2007); Alarmprisen in metal (en) (2004); Spellemannprisen for metal (en) (2003); Alarmprisen in metal (en) (2002); Spellemannprisen for metal (en) (2001)
Identificadores
VIAF
VIAF	158476974
ISNI	0000000123755607
Fontes e ligazóns
	Páxina WEB dimmu-borgir.com
	Redes
	Wikidata G:Commons C:Commons

Dimmu Borgir (Fortaleza Escura, en noruegués) é unha banda musical norueguesa de black metal sinfónico con reminiscencias de black metal melódico. O nome do grupo fai referencia a un conxunto de covas formadas por lava en Islandia que segundo os noruegueses son a entrada ao averno infernal.

Traxectoria

Dimmu Borgir foi fundado orixinalmente en 1990 por Shagrath, Silenoz e Tjodalv. A banda inmediatamente sacou ao mercado un LP titulado Inn I Evighetens Mørke en 1993 (Dentro da eternidade da escuridade). Este disco vendeu todas as súas copias en poucas semanas. A continuación sacaron For All Tid 1994 (En todo momento). En 1996 sacaron Stormblåst (algo así como Vento da tormenta), álbum eloxiado por moitos fans e sinalado, por algúns, como un dos principais da súa carreira.

Despois de Stormblåst a carreira de Dimmu Borgir tomou un novo rumbo. O teclista Stian Aarstad deixou a banda para cumprir o servizo militar no exército noruegués, de maneira que non participou na gravación de Devil's Path en 1996. Cando volveu para gravar Enthrone Darkness Triumphant, en 1997, tiña problemas para atender todas as datas do tour e foi expulsado da banda. Este disco foi un éxito de vendas e foi o primeiro que sacaron baixo o selo da discográfica Nuclear Blast.

Os seguintes foron Spiritual Black Dimensions 1999 e Puritanical Euphoric Misanthropia 2001. En 2003, Dimmu Borgir apostou co seu maior impulso financeiro para crear o álbum Death Cult Armageddon e en 2007 crearon "In sorte diaboli". Partes deste disco foron gravados pola Orquestra Filharmónica de Praga para incluír arranxos musicais de música clásica. Este álbum abre un novo horizonte ao black metal, dotándoo dunha maior heteroxeneidade grazas á súa fusión coa música clásica.

Recentemente, Dimmu Borgir lanzou o "remake" do tan aclamado disco Stormblåst cheo do novo estilo característico da banda: melodías e arranxos complexos, combinados con teclados sobresaíntes e coros.

Dimmu Borgir forma parte deses grupos que cambiaron o seu estilo cru a algo máis sinfónico e con menos voz gutural, como Cradle Of Filth e The Kovenant; logrando un metal extremo máis accesible ao público, no canto de tocar só os estratos mesmos do xénero, chegando a tocar no Ozzfest de 2004 con grande afluencia de público e no último Wacken Festival en Alemaña ante 25.000 persoas.

Discografía

Artigo principal: Discografía de Dimmu Borgir.

Álbums de estudio

*	For All Tid	(1994)
*	Stormblåst	(1995)
*	Enthrone Darkness Triumphant	(1997)
*	Spiritual Black Dimensions	(1999)
*	Puritanical Euphoric Misanthropia	(2001)
*	Death Cult Armageddon	(2003)
*	Stormblåst MMV	(2005)
*	In Sorte Diaboli	(2007)
*	Abrahadabra	(2010)
*	Eonian	(2018)

Véxase tamén

Ligazóns externas