Despensa

A Despensa, Frans Snyders, ca. 1620

Unha despensa^[1] é unha estancia fresca onde se almacenan os alimentos antes de utilizalos. As despensas eran correntes en casas antes do uso extensivo do frigorífico.

Unha despensa debe ser:

Tan fresca como sexa posible
Próxima ás áreas de preparación de alimentos
Construída para evitar a entrada de moscas e bechos
Fácil de manter limpa
Equipada de andeis apropiados ao alimento que é almacenado.

Índice

1 Xeografía
2 Características e historia
3 Notas
4 Véxase tamén
- 4.1 Bibliografía
- 4.2 Outros artigos

Xeografía[editar | editar a fonte]

No hemisferio norte, a maioría das casas adoitaban ter a súa despensa e cociña no lado norte ou leste da casa onde recibía menos sol. En Australia e Nova Zelandia as despensas eran colocadas nos lados sur ou oeste da casa pola mesma razón.

Características e historia[editar | editar a fonte]

Despensa do século XIX no Museo Romántico Can Papiol de Vilanova i a Geltrú

Moitas despensas teñen pequenas xanelas sen vidro coa abertura cuberta por unha malla fina. Isto permite a circulación libre do aire sen permitir que entren as moscas. Moitas despensas alicatáronse ou se pintaron as paredes para simplificar a limpeza. As despensas máis vellas e especialmente as das casas máis grandes tiñan ganchos no teito para colgar pezas de carne ou de caza. Outras tiñan envases illantes para o xeo, anticipando o desenvolvemento futuro dos refrixeradores. Unha despensa pode conter unha laxa ou un estante de pedra usado para manter o alimento fresco nos tempos anteriores á refrixeración.

Nunha casa moderadamente grande do século XIX, todos estes cuartos púñanse tan abaixo no edificio como fose posible e conveniente para utilizar a masa da terra para conservalos a baixa temperatura durante o verán.

Moi poucas casas modernas teñen despensas no sentido antigo chamándose así agora aos andeis ou cuartos pequenos situados normalmente xunto á cociña, onde se gardan as bebidas e alimentos envasados.