Defenestracións de Praga
(Redirección desde «Defenestración de Praga»)
Coñécense como defenestracións de Praga tres incidentes acontecidos na historia de Bohemia e un máis na historia de Checoslovaquia.
Historia[editar | editar a fonte]
O primeiro sucedeu en 1419 e o segundo en 1618, (este segundo é xeralmente coñecido como a Defenestración de Praga). Ambos os dous contribuíron a desencadear conflitos bélicos prolongados que afectaron á propia Bohemia e a países da súa contorna. (Unha defenestración é o acto de tirar a alguén pola fiestra)
Cronoloxía[editar | editar a fonte]
- A primeira defenestración de Praga deu lugar á morte de sete membros do consello dunha cidade hostil por unha turba de checos husitas radicais, o 30 de xullo de 1419. As prolongadas Guerras Husitas sobreviron pouco despois, durando ata 1436.
- A segunda defenestración de Praga foi un evento central na iniciación da Guerra dos 30 anos en 1618. A aristocracia bohemia estaba en estado de rebelión desde a elección de Fernando, duque de Estiria e católico convencido como Emperador do Sacro Imperio Romano Xermánico, o cal incluía a Bohemia. O 23 de maio de 1618 varios deles tomaron a dous gobernadores imperiais e a un escriba e guindándoos a través das fiestras do castelo. Caeron sobre unha chea de esterco e ningún deles sufriu lesións serias.
- Unha terceira defenestración sucedeu o 10 de marzo de 1948 cando o Ministro de Asuntos exteriores checoslovaco, Jan Masaryk, o único ministro non-socialista que quedaba no país, foi achado morto baixo a fiestra do cuarto de baño do Ministerio de Asuntos Exteriores, o que deu lugar ao establecemento dun goberno claramente dominado polos comunistas. Ata a data de hoxe aínda continúa a especulación sobre a causa da súa morte, pero non existe ningunha evidencia que poida incriminar ou exculpar ao réxime.
