De officiis

Na Galipedia, a Wikipedia en galego.
Saltar ata a navegación Saltar á busca

De officiis é unha obra filosófica de Cicerón que trata dos deberes que cada home ten que cumprir como membro do Estado. Cicerón compúxoa a finais do ano 44 a.C. escribíndoa como unha carta a seu fillo que na época estudaba filosofía en Atenas inspirándose nunha obra análoga do estoico Panecio. Divídese en tres libros, no primeiro trata do concepto de honestum (ben moral) en relación ao que se establecen os deberes, isto é os comportamentos moralmente válidos e que se desenvolve en catro virtudes fundamentais (sabedoría, xustiza, temperanza e magnimidade); no segundo trata sobre o útil, onde se desenvolven eses deberes e o último libro trata do conflito entre o útil e o honesto.