Cuadernos de literatura infantil y juvenil, tamén coñecida polo acrónimo CLIJ, é unha revista de ámbito estatal español que se ocupa da análise da literatura infantil e xuvenil. Foi creada en 1988 e leva editándose de forma ininterrompida dende aquel, con 11 números ao ano. É unha revista punteira no seu sector, xunto con Educación y Biblioteca, Primeras noticias, Peonza ou Platero; e, na rede, xunto con Imaginaria e Babar. Así mesmo, caracterízase por poñer unha especial atención nas literaturas producidas en linguas do estado distintas do castelán. Foi premiada en 2005 co Premio Nacional de Fomento da Lectura[1].
