Covade

Covade
	;
Biografía
Nacemento	269 ; Scillium
Morte	304 (34/35 anos); Barcelona
Causa da morte	Decapitación
Actividade
Ocupación	Diácono , comerciante
Período de tempo	Imperio Romano
Lingua	Lingua catalá
Enaltecemento
	santo ;
Día de festividade relixiosa	25 de xullo

Para outras páxinas con títulos homónimos véxase: Sancovade.

San Covade,^[1] (en latín: Cucuphas) nado en Scillium, actual Tunisia en 269 e finado en Sant Cugat del Vallès en 304, foi un mártir cristián que morreu en Castrum Octavianum, lugar do actual mosteiro de Sant Cugat. É venerado como santo polo catolicismo.^[2]

O seu día festivo é o 25 de xullo, mais nalgunhas zonas é celebrado o 27 de xullo para evitar conflito co importante día de Santiago, o patrón de Galicia. O seu nome podería ter orixe no fenicio, co significado "ao que lle gusta andar de brincadeira".^[3]

Traxectoria[editar | editar a fonte]

Segundo a tradición, entre lendas fiables e piadosas, naceu no norte de África, na cidade de Scillium preto de Cartago, onde historicamente houbo antes do século IV unha gran vitalidade cristiá. Outras hipóteses citan Cillium, na actual Tunisia como lugar de orixe.^[4]

Contra finais do século III viaxou a Hispania en compaña de San Fiz, amigo, irmán ou familiar seu, o cal se afincou en Xirona, onde tamén sufriu martirio.^[5]

Covade foi perseguido polo gobernador romano en tempos de Diocleciano por mor da súa fe, e sufriu toda clase de tormentos, mais conseguiu soportalos todos. Foi feito prisioneiro preto de Barcelona a oito millas romanas de camiño de Barcino a Egara (Terrasa). Finalmente foi degolado no ano 304.