Correxemento

Na Galipedia, a Wikipedia en galego.
Saltar ata a navegación Saltar á procura

Subdivisión administrativa de Colombia de nivel intermedio entre o departamento e a vereda. Administrativamente é o lugar que tén un casarío onde os municipios descentralizan os seus servizos. Neste tipo de estruturas sociais e administrativas, pódese atopar parroquias, postos e inspeccións de policía, xunto con outros servizos que a municipalidade desexe descentralizar, sexa por esixencias da poboación local, sexa por que a distancia dende este casarío ó casco urbano é demasiado grande para ser percorrida en caso de emerxencia. Polo xeral, comprenden a moita xente baixo a súa administración e teñen varias veredas na súa xurisdición. Correspóndese co que no español de Colombia se di "corregimiento".[1]

Respecto á súa tradución ó galego, cómpre dicir dúas cousas:

  • podería pensarse que procede do "corregir" que en galego significaría corrixir, pero existe outra opción máis lóxica;
  • a idea con máis posibilidade canto ó seu significado é supoñer que a súa etimoloxía vén máis ben de "co-regir", que en galego significaría co-gobernar, co-rexer, administrar a un mesmo tempo. A tradución proposta baséase así na conservación da vogal temática.

Notas[editar | editar a fonte]

  1. SL, DiCom Medios. "Gran Enciclopedia Aragonesa Online". www.enciclopedia-aragonesa.com (en castelán). Consultado o 2018-02-08.