Corredor ferroviario mediterráneo

Na Galipedia, a Wikipedia en galego.
Saltar ata a navegación Saltar á procura
Estación de Camp de Tarragona (inicio da liña).

O corredor ferroviario mediterráneo é unha liña de alta velocidade da rede de ferrocarril en España. A liña, actualmente en construción, esténdese desde a estación de Camp de Tarragona na provincia homónima ata a localidade de La Encina na Provincia de Alacant e decorrendo en paralelo ao mar Mediterráneo.

A diferenza das primeiras liñas de alta velocidade española, esta liña non foi construída totalmente de cero senón que se formou a partir de treitos novos e treitos modernizados de liñas clásicas.

Ao que se finalice a liña admitirá velocidades máximas entre 200 (en treitos modernizados) e 300 km/h (en treitos de nova construción) o que permite cualificala como liña de alta velocidade.[1]

Historia[editar | editar a fonte]

Corredormediterraneo.svg

O Plan de transporte ferroviario de 1987 prevía entre Barcelona e La Encina un trazado de dobre vía capaz de admitir velocidades de 200 km/h. Algúns treitos modernizáronse segundo este plan pero a velocidade máxima elevouse a 220 km/h. Posteriormente decidiuse integrar estes treitos con outros treitos a modernizar e treitos novos (onde a xeografía e a poboacións o aconsellasen) para constituír o que se comezou a denominar corredor mediterráneo de alta velocidade.

Treitos[editar | editar a fonte]

Camp de Tarragona - Vandellòs[editar | editar a fonte]

Treito en construción con entrada en servizo en 2010.[2] A ligazón cara a Lleida e Zaragoza do corredor mediterráneo coa liña de alta velocidade Madrid-Barcelona está previsto que finalice en 2011.[3]

Este novo trazado é apto para tráfico mixto de viaxeiros e mercadorías e vai substituír o treito de vía única que pasa polo centro de Salou. O treito comeza en Vandellòs e ao chegar aos arredores de Tarragona abre en dúas gallas: unha vai á cidade de Tarragona pasando por Vila-seca e outro conecta coa liña de alta velocidade Madrid-Barcelona-Fronteira na estación Camp de Tarragona.[4] No segundo dos treitos prevese a construción dunha nova estación denominada estación central de Tarragona nas proximidades do aeroporto de Reus.

Inicialmente prevese instalar vías de largo UIC (1435 mm) entre a estación de Camp de Tarragona e a estación central de Tarragona e un adaptador de largo ao sur desta última para desde alí cara a Vandellòs continuar en largo de vía ibérico (1668 mm). Todas as modernizacións e treitos novos en que se instalen vías en largo ibérico contarán con travesas polivalentes capaces de migrar a largo UIC[Cómpre referencia].

Inicialmente o tráfico de mercadorías transitará pola ruta Vila-seca-Tarragona-Sant Vicenç de Calders. Posteriormente, cando se implante o largo UIC no corredor mediterráneo, deberán utilizar outra ruta aínda non definida.

Vandellòs-Castelló[editar | editar a fonte]

En servizo dobre vía que admite velocidades de 220 km/h. Actualmente en largo ibérico con travesas polivalentes (para facilitar a migración a largo UIC) e electrificado a 3 kV de CA.

Castelló-Valencia[editar | editar a fonte]

O proxecto do treito de nova construción de 55.3 km entre Castelló-Valencia foi licitado en xullo de 2008.[5]

Valencia-Xàtiva[editar | editar a fonte]

O treito Valencia-Xàtiva é considerado tamén parte da liña de alta velocidade Madrid-Cuenca-Levante.

Treito en construción. Estímase que será mixto (pasaxeiros e mercadorías) para permitir a saída das mercadorías da provincia de Almería e da rexión de Murcia en trens de largo UIC.[6]

Xàtiva – Nó da Encina[editar | editar a fonte]

O tramo Xàtiva-La Encina é considerado tamén parte da liña de alta velocidade Madrid-Cuenca-Levante.

Este treito de 41.2 km atópase en servizo con dobre vía electrificada a 3 kV de CA e admite circulacións de ata 220 km/h. Actualmente en servizo en largo ibérico tamén conta con travesas polivalentes para a súa futura migración a largo UIC. Neste punto o corredor mediterráneo finaliza na liña de alta velocidade Madrid-Cuenca-Levante.

Así mesmo neste treito construirase unha nova plataforma para vías de largo ibérico destinadas a mercadorías, trens rexionais e de proximidades. Unha vez posta en servizo esta dobre vía en largo ibérico desviarase todo o tráfico por ela e comezará unha segunda fase para adecuar a actual plataforma (que admite circulacións de ata 220 km/h) para o uso de trens de pasaxeiros de alta velocidade (300/350 km/h) en dobre vía de largo internacional (1435 mm).[7]

Notas[editar | editar a fonte]

  1. "Definición de liña de alta velocidade na web de UIC (inglés)". Arquivado dende o orixinal o 05 de xuño de 2008. Consultado o 05 de xaneiro de 2009. 
  2. Hilo de seguimiento en Tranvia.org[Ligazón morta]
  3. "Seguimento en Tranvia.org". Arquivado dende o orixinal o 25 de maio de 2010. Consultado o 05 de xaneiro de 2009. 
  4. "Fed. castellano manchega de amigos del FFCC". Arquivado dende o orixinal o 17 de outubro de 2007. Consultado o 05 de xaneiro de 2009. 
  5. Web de El Mercantil Valenciano
  6. "Fed. castellano manchega de amigos del FFCC". Arquivado dende o orixinal o 17 de decembro de 2009. Consultado o 05 de xaneiro de 2009. 
  7. "Fed. castellano manchega de amigos do FFCC". Arquivado dende o orixinal o 17 de decembro de 2009. Consultado o 05 de xaneiro de 2009.