Constanza de Castro e Osorio
| Biografía | |
|---|---|
| Nacemento | c. 1430  Viveiro |
| Morte | 1489 (Gregoriano) (58/59 anos) Viveiro |
| Lugar de sepultura | igrexa de San Francisco de Viveiro |
Constanza de Castro e Osorio, nada en Viveiro c. 1430 e finada na mesma localidade en 1489, foi unha nobre e relixiosa galega. Coñecida como beata polo pobo, comezou o proceso de beatificación.
Traxectoria[editar | editar a fonte]
Constanza era señora dos coutos de Silán e Codesido. Casara con Roi Díaz de Andrade,[1] señor de San Pantaleón das Viñas, que faleceu na guerra de Granada.[2] Antes de morrer, Roi enviou á súa esposa unha carta escrita en galego, como despedida e testamento, xa que lle dixo que se morría na batalla, ela e o seu fillo Héctor eran herdeiros dos seus bens e ela debería administralos; a carta ten data do 13 de agosto de 1450.[3]
Constanza permaneceu viúva durante corenta anos. Era unha terciaria franciscana dedicada á oración e á caridade, e atribuíronlle milagres. Morreu en estado de santidade e foi enterrada no convento de San Francisco de Viveiro.[4][5]
Veneración[editar | editar a fonte]
O seu corpo foi atopado incorrupto cando se trasladou a tumba en 1611;[1] realizado o milagre, comezou o proceso de beatificación, que foi interrompido. A pesar diso, é coñecida popularmente como a beata e aparece así nalgúns santorais, como o martiroloxio da Orde de San Francisco, que lle asigna a data de celebración do 14 de xuño[1] e establece arbitrariamente a data da morte en 1286. A Igrexa concedeulle o título de venerable.
Notas[editar | editar a fonte]
- ↑ 1,0 1,1 1,2 Genealogía Bermúdez de Castro
- ↑ Anales De La Real Academia Matritense De Heráldica y Genealogía IX (2005-2006), páx. 139
- ↑ Pardo de Guevara y Valdés, Eduardo (2012). De linajes, parentelas y grupos de poder. Aportaciones a la historia social de la nobleza gallega bajomedieval (en castelán). Fundación cultural de la nobleza española, CSIC. p. 91. ISBN 978-84-939737-2-8.
- ↑ "San Francisco de Viveiro". Arquivado dende o orixinal o 15 de maio de 2011. Consultado o 27 de febreiro de 2021.
- ↑ Viveiro es, también, franciscano
Véxase tamén[editar | editar a fonte]
Bibliografía[editar | editar a fonte]
- Benigno Orjales Pita. Arquivado 04 de marzo de 2016 en Wayback Machine. "Los Díaz de Andrade o Díaz de Santa Marta, principales de la casa de Andrade", CátedrA: revista de estudios eumenses Arquivado 04 de marzo de 2016 en Wayback Machine.