Consolidated PBY Catalina

Na Galipedia, a Wikipedia en galego.
Saltar ata a navegación Saltar á busca
Consolidated PBY Catalina
PBY Catalina landing.jpg
Fabricante Consolidated Aircraft
Deseñado por Isaac M. Laddon
Primeiro voo 28 de marzo de 1935
Introducido outubro de 1936
Produción 1936 - 1945
Unidades construídas 3.305
Variantes Bird Innovator

O Consolidated PBY Catalina, tamén coñecido como Canso, foi un hidroavión estadounidense, e posteriormente un avión anfibio dos anos 30 e 40 producido por Consolidated Aircraft. Foi un dos hidroavións máis amplamente utilizados durante a Segunda Guerra Mundial. Os Catalinas serviron en todos os corpos das forzas armadas dos Estados Unidos e nas forzas aéreas e armadas de moitas outras nacións.

Durante a Segunda Guerra Mundial os PBYs foron usados en guerra anti-submarina, como bombardeiros de patrulla, escoltas de convois, busca e rescate, e transportes de carga. O PBY foi o avión do seu tipo máis numeroso e os últimos serían retirados do servizo militar nos anos 80. No ano 2014, case 80 anos despois do seu primeiro voo, o modelo continuaba voando como avión antiincendios por todo o mundo.