Concello de Partille
| |||||
| Localización | |||||
|---|---|---|---|---|---|
| |||||
| Estado | Suecia | ||||
| Condado | condado de Västra Götaland  | ||||
| Capital | Partille (en)  | ||||
| Poboación | |||||
| Poboación | 41.154 (2025) (697,76 hab./km²) | ||||
| Xeografía | |||||
| Parte de | |||||
| Superficie | 58,98 km² | ||||
| Comparte fronteira con | |||||
| Datos históricos | |||||
| Precedido por | |||||
| Creación | 1 de xaneiro de 1971 | ||||
| Identificador descritivo | |||||
| Código postal | 433 00–433 86 | ||||
| Fuso horario | |||||
| Sitio web | partille.se | ||||
     | |||||
Partille é un concello sueco no condado de Västra Götaland.[1] A súa capital é a localidade de Partille, que dende hai moito tempo fusionouse coa área urbana da cidade de Gotemburgo. No mes de decembro de 2024 o municipio tiña unha poboación de 41 060 habitantes.[2]
É un municipio suburbano diferenciado da área metropolitana de Gotemburgo (Storgöteborg). O concello de Partille está formado por catro partes xeográficas: Partille, Sävedalen, Öjersjö e Jonsered. Partille é un municipio xeograficamente pequeno pero de tamaño mediano en termos de poboación. O municipio está composto nun 60 por cento de natureza protexida.
Nome
[editar | editar a fonte]O nome de Partille pénsase que vén da palabra medieval "Parthaella", que significa "a lousa partida". Que proveña da expresión "Passet mellan bergen" (o paso entre as montañas) tamén é unha interpretación probable, referíndose ás montañas a ámbolos dous lados do val do Säveån. Unha tercera teoría apunta á frase "porten mellan hällarna" (a porta entre os afloramentos), apuntado ao estreito paso que hai onde Jonsered se atopa co lago Aspen.[3]
Xeografía
[editar | editar a fonte]O concello está situado na parte occidental do landskap de Västergötland e limita ao oeste e ao norte co municipio de Gotemburgo, ao sur co de Härryda, e ao leste co de Lerum, todos eles no condado de Västra Götaland.
Topografía e hidrografía
[editar | editar a fonte]A parte central do concello estäendese ao longo do val do Säveån, bordeado por edificios e rodeado de escarpadas ladeiras montañosas e sedimentos fértiles. O terreo máis alto caracterízase por estreitos vales de fractura con marismas e turbeiras. Nas alturas estendense bosques de piñeiros que medran no leito rochoso, en ocasións intercalados con frondosas, sobre todo carballos e, en menor medida, faias.[4]
Protección da natureza
[editar | editar a fonte]En 2025 o concello de Partille contaba con catro reservas naturais.[5] A reserva natural de Knipeflågsbergen ao suroeste constitúe unha meseta montañosa prístina, chea de fendas e cuberta de bosque natural.[4]
Divisións administrativas
[editar | editar a fonte]Ata o ano 2016 para cuestións de informes de poboación o concello estaba dividido en tres congregacións: Furulund, Partille e Sävedalen. A partir dese ano o municipio estäa dividido no seu lugar en dous distritos: Partille e Sävedalen.[6]
Partille é un dos dous concellos do país (o outro é Örnsköldsvik) que ten menos cantidade de distritos que de congregacións. A de Furulund separouse de Partille en 2015, o derradeiro ano con congregacións como unidades para informes poboacionais.
Notas
[editar | editar a fonte]- ↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2023-01-14.
- ↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-17.
- ↑ "Partilles historia". Partille Kommun (en sueco). Consultado o 2023-01-20.
- ↑ 4,0 4,1 "Partille - Uppslagsverk". www.ne.se. Consultado o 2025-03-17.
- ↑ "Partille naturreservat". www.lansstyrelsen.se (en sueco). Consultado o 2025-03-17.
- ↑ "Förordning om distrikt (SFS 2015:493)" (PDF). Regeringskansliet. Consultado o 17 de marzo de 2025.
