O nome de Västergötland aparece por vez primeira na década de 1070 da man de Adán de Bremen na súa forma latina ... in occidentalia Gothia, Westragothia,[1] despois aparece na Florenslistan de 1103 baixo a denominación de "Gothia occidentalis"[2], e máis tarde, no ano 1317 coa forma Wæstragötland.[3][4]
As moitas tumbas megalítcas deron a coñecer a prehistoria do landskap, sobre todo as tumbas de andadeiro de Falbygden. Moitos achados de obxectos de ouro e bronce apuntan a contactos temperáns con grupos de persoas circundantes. A poboación de Västergötland aceptou rapidamente o cristianismo, e o landskap ten, coa Västgötalagen, a lei provincial máis antiga de Suecia.
Durante a Alta Idade Media a provincia foi escenario de guerras civís e loitas de poder, ás veces co apoio de soldados da Halland dinamarquesa, ou da Bohuslän norueguesa. Na Baixa Idade Media e o período Vasa houbo na zona batallas entre reis suecos e dinamarqueses, tendo como obxectivo estes últimos restablecer a Unión de Kalmar.
A princesa herdeira Vitoria e o príncipe Daniel son duques de Västergötland.[5][6]
