Club Voleibol Barcelona Barça
O Club Voleibol Barcelona Barça é un club de voleibol feminino da cidade de Barcelona, Cataluña. Trátase dunha sección de voleibol feminino asociada ao Futbol Club Barcelona. Actualmente compite na Superliga 2. Foi fundada en 1994.
Conta, ademais do seu sénior, cunha escola de voleibol, equipos alevíns, infantís, cadetes, xuvenís e júnior.[1]
Historia[editar | editar a fonte]
O Club Voleibol Barcelona foi fundado en 1994 a partir da que fora sección de voleibol feminino do RCD Espanyol e que desaparecera. Ao ano seguinte, en 1995, asinou un acordo de patrocinio coa empresa Winterthur, que se converteu no patrocinador do club. Este mesmo ano logrou o campionato de España xuvenil. Na tempada 1998-99, o equipo consegue o ascenso á División de Honra. No 2004 asinou un acordo de colaboración co FC Barcelona, converténdose en sección asociada ao club e trocando o seu nome polo de Club Voleibol Barcelona Barça.
Notas[editar | editar a fonte]
- ↑ "Información oficial do club". Arquivado dende o orixinal o 04 de decembro de 2010. Consultado o 28 de decembro de 2010.