Cisco Systems

Cisco Systems
Tipo	Multinacional
Fundación	1984
Localización	San Francisco (California)
Persoas clave	Leonard Bosack Sandra Lerner
Industria	Telecomunicacións
Produtos	routers, hubs, teléfonos
Na rede
https://www.cisco.com/
[ editar datos en Wikidata ]

Cisco Systems é unha multinacional localizada en San Francisco (California), dedicada principalmente á fabricación, venda, mantemento e consultoría de equipos de telecomunicacións tales como:

• Dispositivos de conexión para redes informáticas: routers (enrutadores, encamiñadores ou ruteadores), switches (conmutadores) e hubs (concentradores).
• Dispositivos de seguridade como devasas e concentradores para VPN.
• Produtos de telefonía IP como teléfonos e o CallManager.
• Software de xestión de redes como CiscoWorks.
• Equipos para redes de área de almacenamento.

É considerada unha das grandes empresas do sector tecnolóxico e un importante membro do mercado do NASDAQ o mercado accionario de tecnoloxía.

Historia

A empresa foi fundada en 1984 polo matrimonio de Leonard Bosack e Sandra Lerner, quen formaban parte do persoal de computación da Universidade de Stanford. Bosack adaptou o software para enrutadores multi-protocolo orixinalmente escrito por William Yeager, outro empregado de informática nesa Universidade. Cisco Systems creou o primeiro router comercialmente exitoso. O nome da compañía vén dun xogo de palabras coa cidade de San Francisco, desde onde comezou o seu desenvolvemento como empresa multinacional.

Hoxe en día, outro xigante que lle está intentando facer sombra é a multinacional Juniper Networks, dedicada principalmente á venda de routers para enlaces backbone (columna vertebral).

Ademais de desenvolver o hardware dos seus equipos, Cisco Systems tamén se ocupa de desenvolver o seu propio software de xestión e configuración para eles, que é coñecido como IOS de código actualmente pechado e totalmente propietario.

A través do IOS conséguese configurar os equipos Cisco mediante a denominada "Command Line Interface" (Interface de Liña de Comandos, polo seu nome en galego) que serve de intérprete entre o usuario e o equipo.

Cisco Systems tamén posúe unha división de publicacións tecnolóxicas denominada Cisco Press, a cal ten convenio coa editorial estadounidense Pearson VUE, así como unha división educativa que produce material educativo para programas que teñen coma fin a formación de persoal profesional especializado no deseño, administración e mantenza de redes informáticas. Algúns destes programas son:

• CCDA (Cisco Certified Design Associate).
• CCDP (Cisco Certified Design Professional).
• CCIE (Cisco Certified Internetwork Expert).
• CCIP (Cisco Certified Internetwork Professional).
• CCNA (Cisco Certified Network Associate).
• CCNP (Cisco Certified Network Professional).
• CCSP (Cisco Certified Security Professional).

Tales programas son ditados en alianza con institucións universitarias denominadas Academias Locais as cales existen en 128 países.

Véxase tamén

Ligazóns externas

• Web de Cisco (en inglés).
• Academy Connection (en castelán).