Cirrinos

Na Galipedia, a Wikipedia en galego.
Saltar ata a navegación Saltar á procura
Cirrinos
Cirrina
Stauroteuthis.jpg
Stauroteuthis syrtensis
Clasificación científica
Reino: Animalia
Filo: Mollusca
Clase: Cephalopoda
Orde: Octopoda
Suborde: Cirrina
Grimpe, 1916
Familias
  • Véxase o texto
Sinonimia
  • Cirrata Grimpe, 1916
  • Cirroctopoda Young, 1989

A dos cirrinos (Cirrina),[1] tamén coñecidos como cirrados (cirrata),[2] é unha suborde de moluscos, unha das dúas en que se divide a orde Octopoda.[3]

Trátase de octópodos peláxicos que viven en augas abismais, entre os 2 000 e os 4 000 m de profundidade, polo que teñen pouco en común cos octópodos bentónicos, os verdadeiros polbos.

Caracterízanse por teren dúas aletas laterais, e un par de cilios en cada ventosa, dos que carecen os incirrinos ou incirrados (os polbos), ao que alude o seu nome.

Características[editar | editar a fonte]

Inicialmente ambos os grupos de octópodos, cirrinos e incirrinos, foron creados por Grimpe tendo en conta os cirros dispostos ao lado das ventosas situadas debaixo dos brazos. O nome das subordes é evidente, os cirrados teñen un par de pestañas (cirri, en latín) aplicados a cada ventosa, mentres que os incirrinos non as teñen. A diferenza doutros octópodos, os brazos dos cirrinos están limitados por unha unbela ou antuca e non teñen brazo copulador (hectocótilo). Diminuíron a súa rádula, a súa bolsa da tinta e as súas glándulas salivareds posteriores. Estas especies tamén teñen a particularidade de teren unha estrutura interna, un residuo da cuncha que presentan a maioría dos moluscos.

Nutrición[editar | editar a fonte]

Aliméntanse de pequenos crustáceos planctónicos e doutros animálculos, o que explica a perda da rádula e o desenvolvemento dunha umbrela e de cirros para capturaren as súas minúsculas presas.

Clasificación[editar | editar a fonte]

Vista oral de Cirrothauma murrayi mostrando as fileiras de ventosas cos seus pares de cirros.

Esta suborde comprende as seguintes tres familias:

Segundo o ITIS:[1]

Suborde Cirrina Grimpe, 1916

Segundo o WoRMS:[4]

Suborde Cirrata

Para o WoRMS, a familia dos Stauroteuthidae Grimpe, 1916 identifícase coa dos Cirroteuthidae Keferstein, 1866.

Notas[editar | editar a fonte]

  1. 1,0 1,1 Cirrina Grimpe, 1916 no ITIS.
  2. Cirrata no WoRMS.
  3. Octopoda no WoRMS.
  4. Cirrata no WoRMS.

Véxase tamén[editar | editar a fonte]

Bibliografía[editar | editar a fonte]

  • Felley, J., Vecchione, M., Roper, C. F. E., Sweeney, M. & Christensen, T. (2001-2003): Current Classification of Recent Cephalopoda. National Museum of Natural History: Department of Systematic Biology: Invertebrate Zoology: Cephalopods
  • Nixon, Marion & John Z. Young (2003): The brains and lives of Cephalopods. Oxford University Press. ISBN 0-19-852761-6.
  • Norman M. D.; Finn J. K. & Hochberg F. G. (2014): "Family Octopodidae". In P. Jereb, C. F. E. Roper, M. D. Norman & J. K. Finn (eds). Cephalopods of the world. An annotated and illustrated catalogue of cephalopod species known to date. Volume 3. Octopods and vampire Squids. FAO Species Catalogue for Fishery Purposes. Rome, FAO. 4 (3): 36-215.
  • Strugnell J. M., Norman M. D., Vecchione M., Guzik, M. & Allcock A. L. (2014): "The ink sac clouds octopod evolutionary history". Hydrobiologia 725: 215-235.
  • Vaught, K. C. (1989): A classification of the living Mollusca, American Malacologists, Melbourne, FL (USA). ISBN 0-9158-2622-4.

Outros artigos[editar | editar a fonte]

Ligazóns externas[editar | editar a fonte]